【LULU Little Kitchen】孕婦失魂記 明天會更傻
2018-06-18
今日我要講一個孕婦失魂的故事！
今早準時起身，打算出發到健康院之際，
先發現忘記帶銀包同鎖匙，
幸好卡樂爸未出門口，可以入屋取回所需物品！
當我拿了銀包，興高采烈出發時！
一關門，我才發現忘記拿鎖題～
之後又回家取！
當你以為失魂事就此完結，邊有可能呀？
健康院飲完糖水，食完午餐，買好餸，
打算回家小休片刻～～
沒想到，一到門口先發現我拿錯了娘家鎖匙！
因買了比較多急凍食物，
只好搭小巴到奶奶家拎後備匙～～
之後回家放低餸菜，就出發去開會！
開完會，我便回家預備少少餸！
之後出發去上堂，一落樓先醒起忘記拿傘及後備電源～
只好又回家拎，點知失魂又發作！
拿著傘落到街，才醒起沒有拿後備電源！
媽媽我真係好累啦，沒有氣力再返轉頭～
不得不承認，孕婦好容易跌入失魂漩窩，
自從有了BB後，明明精神不錯，
不過卻做了一件又一年失魂瘀事，
我只好安慰自己，腦容量都被BB佔據～～
而且一孕傻三年，
我相信傻事會繼續發生，
明天會更傻！！！