【Kylife】淘寶BB圍欄同BB餐椅？性價比高？集運點搞呀？
2018-07-10
上次介紹喺淘寶買$450的3人沙發引起好大迴響，如果大家Miss咗可以喺我嘅文章搵返（http://www.ohpama.com/309454）！
今次再下一城，分享我為筋肉寶寶買嘅BB木圍欄同BB餐椅，依兩款物品喺香港有好多選擇，不過價錢同淘寶實在差一大截，特別係圍欄，最近好流行嘅韓國出品差唔多賣到一二千，就係因為咁我就去淘寶發掘啦！
首先講BB圍欄，淘寶嘅BB圍欄有好多款，價錢由最平排到最貴：膠板款＜木欄款＜軟墊款。
本身我想買膠板款，但諗深一層膠板邊始終比較厚，入面嘅活動空間就會更細，而且擔心塑化劑問題，所以木欄款就係我最終選擇嘅款式。
經過我左度右度、搵到間單買比起成個架買更平嘅店，而且呎吋可以照自己屋企範圍去選擇，所以一定會啱自己屋企嘅擺位。最終我買咗2塊110cm、1塊80cm同1塊80cm帶門口，咁四邊就係110cm x 80cm。（淘寶BB實木圍欄Link）
當我收到實物已經覺得幾好，全實木，仲有附送防滑膠貼！之後就出動老公幫手啦，砌完覺得比想像中更好，宜家筋肉寶寶十個月大成日都會扶住個欄企起身。睇到依度可以話比大家聽，依個滿意度100分嘅實木圍欄盛惠人仔$190，運費下面再講講。
第二樣係BB餐椅，我睇咗好耐搵到一個可以較高較低嘅BB餐椅。頁面有埋安裝影片，安裝非常容易，實物同圖一模一樣，依款粗用我覺得可以，但如果好追求完美，我覺得就唔好考慮依款，依款BB餐椅盛惠人仔$70。（淘寶BB餐椅Link）
