【黃庭桄】成世搭巴士
2018-07-14
一名惡客在等巴士時，不守秩序打尖，被巴士司機斥責：「喂，排隊呀！你見唔到後面有人龍咩？」
惡客諸多藉口掩飾：「我睇唔到吖嘛。」
司機半步不讓，直指他「扮睇唔到」，惡客只好先讓其他乘客上車，自己才悻悻然走入車廂，但不忘回贈一句：「你滿意未啊？巴士佬！」
雙方唇槍舌劍，最啜核的對話壓軸出場。惡客向司機怒吼一句：「成世揸巴士啦你！」誰知司機反應奇快，即時窒對方：「咁你成世搭巴士啦！」
司機不但沒有示弱，反將對方的毒咒，轉化成正面的思維：「我成世揸巴士無問題呀，我有人工出。但你就成世坐巴士囉！」背後的含義，呼之欲出，即是咒罵惡客成世都賺不到錢，連的士都坐不起，更加不用指望買得起私家車，潛台詞是「你窮死一世啦」！