一拖三玩轉多倫多 陳茵媺囡囡偷飲咖啡Cute爆
2018-07-20
靚媽陳茵媺（Aimee）日前一拖三返娘家多倫多一個月，與仔女開心過暑假，老公陳豪獨留香港開工呻空虛。撇低老公，Aimee同仔女依然玩得過癮，她在社交平台上載短片，一家人享受親子時刻。
4歲大仔同3歲二仔玩水槍，擺晒甫士影相，文靜的小公主就同哥哥玩樹葉，仲幫手遞上果實，好乖豬；3仔女更發揮小宇宙，在地上畫粉筆畫。齊齊去超市入貨時，細女偷偷地呷媽媽的咖啡，笑到冧滋滋，似乎同爸爸一樣愛咖啡，搞笑是二仔坐在手推車中「打喊露」，唔多有興趣跟媽媽去購物。