【荔枝孖媽】紓緩氣管敏感 調理肺氣虛 止咳養肺湯水推介: 虎乳靈芝粟米雪耳湯
2018-07-26
最近就算係盛夏身邊好多朋友，學生都有感冒。而伴隨的咳嗽有時真係幾難搞，呢d成日都係感冒之後留低嘅咳嗽症狀，可能係氣管炎後水腫未愈引起嘅，之前有請教過中醫佢認為係餘邪未清，氣陰兩虛所致。還好嘅就係感恩自己具芳香治療師嘅資格，可以更適切咁幫家人用芳香療法這全天然嘅方法去支援同提升身體。
講到天然療法，食療當然係其中一樣，今日介紹嘅呢個湯水，主材料係虎乳靈芝，有止咳養肺的作用，對紓緩感冒後引起嘅咳嗽都有唔錯嘅療效架。
虎乳靈芝屬於多孔菌科，係一種珍稀藥用真菌。佢含有豐富嘅蛋白質、礦質元素、多種維生素、真菌多糖、膳食纖維素等食藥用成分。虎乳靈芝有補益肺氣，提升免疫力嘅功效，補肺益氣、同時亦有助紓緩氣管敏感。