【Saron】跟奶奶的相處之道
2015-11-29
做個好新抱啦，嘻嘻！
每年聖誕前個多月，我奶奶都會係Facebook 開個family group去準備聖誕節交換禮物的安排。每年的做法都是由99一手安排策劃，佢會抽出邊個負責買禮物比邊個，每份禮物約$800港幣，大家都可以有個wish list 講出自己今年想要的禮物，最終就由返抽出果個Secret Santa 決定買什麼禮物比你。
整件事聽落都好溫馨，但每年我老公和三個哥哥都會在群組裡面搗亂，又話呢又話路，攪到奶奶今年忍不住爆了句「如果唔係我用呢個方法，我同爸爸根本唔會得到任何聖誕禮物。」
嘩，一見到呢句，呢四條友仔都唔知媽媽心意，但我已經覺得好心酸，自己都係女人，有時對於這些看似好膚淺的東西其實都明白，對於女性來說其實可以好上心。奶奶每年聖誕和我們的生日都會寄一大箱禮物來，但調轉咁多個仔都無做返轉頭。講左好多年，但其實我都只是第一年拍拖才有寄禮物給他們，想起都很內疚。
所以，今日終於的起心肝帶著一大堆禮物走去郵局寄去加拿大。
我同老公講，佢話都係生女好，仔就真係有孝心都無果份細心，咁你好彩囉，娶到我，哈哈。所以女士們，有時除了哄老公，哄奶奶其實你老公都會好心甜好感動的。雖然我明白奶奶這回事對很多老婆來說都是一件怪物，唉，無計啦，始終一家人，哄來哄去總好過鬧來鬧去的，趁大時大節表達下心意，當哄老公開心啦 ！
作者：Saron
(Facebook: www.facebook.com/hkgirlmarriedcanadianboy)