【湊仔爸與返工媽】看見,看不見
2019-02-13
年初一晚,跟阿豬匆匆沖涼,睇書,陪瞓。熄燈前……
「bye bye 喇,聽日媽咪都係放假呀,聽日見啦。」我跟在牀上的阿豬道別。
「你聽日都放假,咁你今日係咪放咗假呀?」豬如此問。
「梗係啦,今日我全日同你一齊㗎喎……」我大惑不解。
「點解我今日冇見過你嘅?」阿豬這個問題,簡直震驚我百幾億腦細胞。
「你冇見過我😱 我今朝同你去XX,跟住就去YY,然後去ZZ,返到嚟屋企就……」我羅列今天做過的事,力證自己放假(後來回想就覺得太天真了)。
「哦。Bye bye 媽咪。」對話忽然結束。