【米豬媽媽】米豬有自己間房喇
2019-04-25
爸爸由米豬2歲嗰日開始, 就成日都話不如分房瞓啦 (同米豬唔係同我呀~!!) 。其實呢個問題由聖誕節我已經諗ga na, 不過媽媽有分離焦慮吖MA~ 咪拖得就拖囉~ 之但係, 米豬大個仔, 張BB牀已經唔夠佢瞓喇,一轉側踢到牀就醒。 我就晚晚醒幾次拍番佢瞓。 如果同我哋一齊瞓,佢又要H字咁瞓。仲要加埋旋風腿, 連爸爸都冇覺好瞓,所以分房瞓呢件事, 我哋決定響農曆新年前執行~!
要氹佢留響自己間房, 首先要令佢鍾意間房~! 有咩方法? 投其所好囉~~~ 撞正樓下商場做牀上用品promo, 帶佢去揀佢自己鍾意ge牀單被鋪~
眼利ge你,應該已經見到McQueen攬枕對住鏡頭笑緊喇~ 冇錯~!!!! 係閃電王麥坤~! 係車車呀~~
淨係牀單被鋪唔夠ge…… 我仲淘咗海量ge車車wall sticker!!!! firetruck、ambulance、 dump truck、crane、mixer truck、 新幹線、快艇、 潛艇咩都有啲~!!
剪到我傻…………..
排吓位先~~~ 貼晒又好似太花
結果只係貼咗部分~~ 米豬表示非常滿意~~~
晚晚沖完涼要拎埋d公仔企響d車車前面影相、今晚受寵幸ge係柴犬~
牀邊再包晒軟墊、以防米豬半夜起身或者有時自己響牀玩到癲會撞傷~ super lucky竟然連防撞邊都俾我搵到襯色ge~~
晚晚都同我講: 訓McQueen牀食奶奶
係咪day1就由得佢自己瞓? 梗係唔係啦~~~ 見唔見到第一張米豬坐響牀ge相? 牀邊仲有張黃阿瑪牀單, 我響隔離張子母牀陪瞓咗3星期呀~!! 其實都OK ge因為我有分離焦慮吖ma~~ 黐多陣都好~~ 但到爸爸對我有分離焦慮 (呢家人真係好煩XDD) 爸爸就搵咗呢d可以較光暗ge燈,走廊米豬房門口一盞,我地房牀尾就放咗另一盞月球小夜燈,2盞都較到最暗
而媽媽我就淘多咗個監聽器,放我牀頭長開,米豬有咩風吹草動我都可以立即過去睇佢~
嗰晚臨瞓前我就同米豬講,媽媽今晚返去同爸爸瞓喇, 你瞓醒要食奶奶就跟住燈燈行嚟搵媽媽知唔知? 好叻仔wo~ 佢話知道wo~
但事實當然冇咁順利啦~~~ 瞓到半夜2點幾米豬發現唔見咗我,響度狂喊呀~!! 我就即刻彈咗過去佢房度安慰佢, 最後索性抱埋佢過大牀一齊瞓 (同爸爸攬炒呀XDD)
第2晚, 我哋特登熄晒全屋d燈, 教米豬行一次, 之後佢又自己行一次,諗住今晚OK啦~ 點知又係2點幾 —— 媽媽~!!!!!!!!!!!!!!!!!!!!!!!!!!!!!! 小人又被召喚了……. 我又過去, 又抱咗米豬過大牀一齊瞓…..
如是者過咗3晚,爸爸到第4晚聽到米豬叫媽媽, 就自己落咗牀,帶米豬行過嚟我哋牀
到第5晚,米豬冇再叫媽媽,自己自動波咁行咗過嚟仲擒埋上牀
之後,佢就多數一覺瞓到6-7點, 夠鐘食早奶就自己行過嚟, 用咗一個月~~ 分房瞓計劃大成功~~~ v^0^v
米豬豬的page~ 每日都update~
歡迎各位like&follow~ 亦都歡迎大家聯絡我同米豬豬一齊試用產品或合作~
https://www.facebook.com/NereusYu/
作者:米豬媽媽
其他文章﹕