【米豬媽媽】暈媽媽 - Trouble two之乜都NO!
2019-05-12
Hello~~ 你今日上演咗吊起個仔嚟打嘅內心戲未呀？我上演咗N次喇 XD
呢排我冇成日俾米豬「請」出廚房喇，佢呢排玩「乜都NO」 呀~ 唔要爸爸返工，唔要響屋企， 唔出街，唔去打鞦韆，唔換衫，唔換片，唔著鞋，唔返屋企，唔坐上去（high chair），喊多陣啦~~~~~~
最癲嗰日，係爸爸出完差後第一個工作天，見到爸爸換衫返工已經守住門口，我哋講咗一億次爸爸今晚就返嚟，太陽伯伯返屋企，爸爸都返屋企，但佢只得一句口號﹕「爸爸唔返工工!!!」 結果爸爸就望住呢個喊到豬頭咁嘅米豬，忍痛出門返工，然後米豬瘋狂喊咗10分鐘，話要去玩，OK~! 即刻同你約腳~! 有朋友仔今日得閒，約好晒人，換衫出門口喇………… 唔換patpat!! 唔除!!!!!!! 唔著呢件!! 唔要著襪襪!!! 唔著鞋!!!!!!! 附帶著崩潰嚎哭聲…………. 尖叫著………. 每一句都feel到理智線斷裂嘅聲音….