【Esther Chu】係亞媽實明: 阿媽係唔會唔攰
2019-07-18
最近，超級忙，除咗要做平日嘅工作，暑期仲有好多額外嘅工作要安排，又要照顧已經放緊暑假嘅兩粒仔，幾乎每日由朝到晚都係預備緊第日同埋下星期嘅工作，好似永遠都預備唔完，真係有種攰到想喊嘅感覺。
前幾日，去探一個啱啱生咗BB嘅朋友，由於係佢嘅第一胎，十分唔慣，呢位新手亞媽由朝到晚都要餵奶，個樣攰到有啲震驚，可能冇想像到做亞媽可以咁攰。
於是，我叫另一個好有經驗嘅媽媽朋友鼓勵呢位啱啱生咗BB嘅共同朋友，呢位媽媽朋友半年前生咗第三個仔，由於呢個BB斤両十足，佢由朝抱當晚，抱到腰痛，最佩服係佢自己湊3件，冇工人姐姐，所有嘢一腳踢，非常犀利。佢話俾我知，佢都經常攰到冇樣，亦都試過攰到喊。
所以，我好明，做阿媽係唔會唔攰，只會更攰😭😭😭。