【90後P牌媽咪】BB唔肯講嘢點算好？過來人4個小方法令BB愈講愈多！
2019-12-01
唔知大家嘅小朋友多唔多嘢講呢？我家個位小姐成日都唔講嘢，同月齡嘅小朋友都講得多過佢。雖然我都明白小朋友發展各有快慢，但係都會想佢可以快啲講多少少，起碼可以表達到自己想要啲咩，唔使成日都炆憎或者淨係識得喊去表達～
小恩恩依加就快22m，但講嘢真係一般般，但呢3個月不斷train佢，22m先有啲進步。如果媽媽們都覺得小朋友講嘢比較慢，都可以試吓以下嘅方法！
1. 點讀筆圖書
由於我個女唔會成日肯坐定定喺度睇書，所以買點讀筆係可以令到佢個人專注啲，同時可以引佢興趣去學詞語！每當佢「點」得多，個腦會愈儲愈多，佢講識講「豬」、「班馬」都係因為本點讀圖書～
