【張慧敏】一個口罩見真情
2020-02-12
最近口罩有幾難買難求，不只是香港人，在武漢肺炎肆虐幾乎所有國家都無一幸免的情況之下，實在是全球都知。全世界都出現口罩搶購潮，已經不只是供不應求咁簡單。
有區議員在其Facebook專頁分享三位老人家用天寒地凍排隊買口罩的慘況。三位老人家冇口罩用的第一責任究竟誰屬？我的傳媒人朋友Bear在他的Facebook講得問得非常好，正中問題核心，徵得Bear同意，好嘢梗係要同大家分享如下：
『兩個Case:
1：「其中一名婆婆戴著一個帶有污漬的CSI口罩，令他大感好奇口罩來源，細問下，婆婆透露，其女兒在衞生署工作，每日獲分配一個口罩，每晚下班回家，女兒除下口罩，她就會暗中收起，隔日自己拿來戴重用。」
佢個女係衰女！
-亞媽冇口罩你唔知㗎咩？
-夜媽媽出街你唔知㗎咩？
-從來冇口罩你唔使撲㗎咩？炒價都要買啦？衛生署正常收入，你年三十晚都係$298/50個，理應負擔得起！
-做衛生署一早收晒風啦？你唔一早買定？當你唔知，都有正常習慣有口罩儲備在家啦？
-將口罩需求轉移俾阿媽，想用阿媽「好慘」將責任轉移俾社會？
如果我做呢隻故，我會問做咩個女冇買俾你？佢叫你排隊？你幫佢買埋？
有兒有女同住，真係幫你唔到，呢個時勢，阿女唔救你，出面人點幫你？