6歲就有睡眠窒息症?小朋友考試差咗都關鼻敏感事

2020-04-07


啱啱家長日,老師話六歲嘅俊仔近排上堂成日魂遊太虛,專注力差咗好多,詢問之下,俊仔一味話好攰、好眼瞓,老師都無晒符。

俊仔媽咪覺得好奇怪,明明阿仔瞓足九個鐘,點解仲咁攰呢?接住幾晚,佢特登留意俊仔瞓覺情況,發現年紀小小嘅佢,竟然晚晚扯鼻鼾。

俊仔媽咪於是帶佢去睇醫生,經過詳細檢查後,醫生診斷俊仔患上睡眠窒息症,而睡眠窒息症嘅源頭,竟然係鼻敏感。

鼻敏感或引致睡眠窒息症

鼻敏感同睡眠窒息症有咩關係呢?兒童呼吸科專科吳國強醫生解釋:「研究證實,鼻敏感會增加患睡眠窒息症嘅機會。當小朋友鼻塞時,佢哋會改用口呼吸,隨住嘴巴打開,下顎會向後,令舌頭下跌,阻塞上呼吸道,引致睡眠窒息。小朋友瞓得差,就可能出現專注力、行為同認知能力下降嘅問題。」

吳醫生補充,小朋友長期用口呼吸,有機會令下顎發育不良,睡眠窒息症就可能延續至成年,長遠增加患高血壓、二型糖尿病等疾病嘅風險。情況嚴重嘅患者可能要使用呼吸機,或接受顎骨矯型手術去處理睡眠窒息症。

《寶寶鼻敏感日記》有助及早發現問題

好似俊仔嘅個案,家長未必為意小朋友嘅鼻敏感已經非常嚴重,等到出現其他問題影響學習時先睇醫生。吳醫生建議,家長可以為小朋友填寫《鼻敏感日記》,記錄佢哋有無出現相關徵狀,例如鼻塞、鼻痕、流鼻水、打乞嚏等,或捽鼻、捽眼、打鼻鼾、用口唞氣等小動作。如果徵狀頻密已經影響患者嘅日常生活,就應該盡快求醫。

此專欄由葛蘭素史克安排。資料由醫生提供作教育用途,應向註冊醫生查詢有關詳情。
NP-HK-FLF-ADVR-190002 (03/2022)
Date or preparation: 01/04/2020

熱門文章

轉季鼻敏高峰期 總有1個鼻敏小朋友喺左近 食蜜糖 幫手改善鼻敏!
04-09
轉季鼻敏高峰期 總有1個鼻敏小朋友喺左近 食蜜糖 幫手改善鼻敏!
04-09
親子有營早餐 齊齊維持免疫系統健康
01-29
孩子身高 | 阻礙孩子長高5大因素 | 中醫爸B
03-31
解春困 | 中醫解構水腫成因 附3款去水腫湯水
03-31

解春困 | 中醫解構水腫成因 附3款去水腫湯水
2021-03-31
孩子身高 | 阻礙孩子長高5大因素 | 中醫爸B
2021-03-31
營食復活蛋│一歲前不宜吃蛋白! 營養師指引正確食蛋 助長發育 預防過敏
2021-03-30
專家分享|0至14歲適用 管理兒童使用電子屏幕產品指南
2021-03-29
新冠肺炎|新冠病毒溫牀在鼻腔?!
2021-03-24
專家教揀 | 有營海味
2021-03-23
查看更多   ▸