人仔細細好為食 黃澤鋒囡囡初嚐雪糕好滋味
2020-04-06
^小黃妃首次食雪糕真係好滋味。
去年7月，黃澤鋒太太以52歲高齡成功誕下囡囡熙恩（乳名小黃妃），眨吓眼小黃妃差兩日就9個月大啦！澤鋒和太太陳麗麗自從愛女出世，專登開通咗個社交平台分開囡囡生活點滴和得意樣，呢日就放咗段片，見到小黃妃初嚐雪糕個滋味樣，其實早兩日已有小黃妃揸住支甜筒露出甜笑，個期待樣出晒嚟，已經超得意，今日睇見她真係有得食甜筒，真係望到都覺得好味呀！其實有留意開，都知小黃妃係為食妹一名，所以隨咗佢愈來愈大，相信澤鋒和太太都會畀佢試多啲唔同美食。
^小黃妃揸住甜筒個期待樣，真係好正！
^小黃妃平日都好為食㗎！
頭條日報授權轉載