【玫瑰疹】玫瑰疹不可怕，高燒不退才是最可怕︳禧。熙。之生活點滴
2020-06-15
【玫瑰疹】
雖然家姐都試過岀玫瑰疹，我已經有經驗知道岀疹大概會係點。但到肥仔嘜岀玫瑰疹，我又擔心咗成個幾星期。 所以話做父母的，無論你有幾多個小朋友，或者你小朋友幾多歲，都一定會永遠當佢哋係小朋友，會事事擔心同呵護備至。
玫瑰疹最可怕唔係啲疹發滿全身，而係岀疹前高燒不退嘅過程，真係煎熬。玫瑰疹係一種嬰幼兒常見，由病毒引起嘅疾病，通常見於2歲或以下幼兒，6個月大至1歲的嬰兒最常見。一般發高燒至40度或以上，高燒維持3至7日，可以做嘅就係食退燒藥， 補充水份，同埋幫小朋友沖涼降溫，盡量避免著太多衫。不過玫瑰疹嘅發燒同一般流感發燒️唔同，玫瑰疹引致嘅發燒情況下，小朋友都一樣會精神想玩，唔會特別攰同想瞓。
今次肥仔嘜燒咗四日，退燒之後好快就見到紅疹出現；包括臉，頸，背脊，肚仔，手腳，基本上全身都有。 紅疹唔會凹凹凸凸，而且亦不痛不癢，紅疹大約維持2、3日就會退。
提提大家，玫瑰疹嘅病毒係會透過口水同飛沫傳染，喺紅疹未退之前都應盡量留在喺屋企，避免去公眾地方，以免將病毒傳乜染俾其他小朋友。另外，玫瑰疹無高峰期，任何時候都感染同岀疹。
#hkmum #hkparents #hkmama #mumlife #香港媽媽 #全職媽媽 #二寶媽媽
作者﹕禧。熙。之生活點滴
其他文章﹕