【自家教】自主教育讓孩子可花大量時間在有興趣/有潛質的主題︳社工爸媽自家教手記
2020-06-19
有天，社工媽媽和阿仔一邊手拖手散步一邊聊天，
仔：「媽媽，你知唔知世界最初的生物體係邊度嚟，同埋點樣嚟？」
媽：「聖經就話係神創造，科學家就話大爆炸、馬騮進化呢啲囉。咁你覺得呢？」
仔：「我相信科學，我信係大爆炸。」
媽：「我覺得大爆炸唔make sense，你諗吓而家俾啲炸藥你點著，爆炸只會帶來一片混亂，點會炸到地球咁有秩序？人類的構造咁精密，例如螞蟻懂得合作…」
仔：「大爆炸可以將另一個空間的物質帶來，包括微生物同埋細胞，經過好長的時間分裂演變…（下刪1000字包括黑洞二度空間等等）」
媽：「我始終覺得大爆炸係唔make sense…」
這個時間，阿仔竟然默不作聲，我以為討論完畢，
但過了幾分鐘後他竟然再度開聲帶住點懊惱說了一句：
「同唔識科學嘅人討論科學真係好困難。」
我聽到真係笑到瞓地。
的而且確，我從不喜愛科學，
沒有興趣又認知得少，
科學是社工爸爸和阿仔的親子話題，
他們都很喜歡科學。
阿仔大約4歲開始就說想做科學家，
對科學的熱愛一直有增無減，
最後他會否成為科學家無人知，
但社工爸媽覺得很珍貴的是，
他可以花上大量時間在喜歡的範疇，
每天閱讀很多科學書籍，
有時做做實驗，
遊學時必會去科學博物館，
不必每35分鐘轉堂學英文，
轉堂學數學，
轉堂學普通話……
不必做沒意義的功課，
不必趕這樣趕那樣，
可說是能夠醉心於自己想鑽研的項目。
無論日後他會否成為科學家，
這個自主的學習過程，
他已獲益良多，
人生從小開始就能把大量時間花在自己熱衷的事情，
是多大的福氣，
這些經驗對將來的人生有多大的幫助!
之前有聽過語言專家說小朋友到9歲是學外語高峰期，
也有聽過教育心理學家說6歲前應以母語為重，
多種語言會令小朋友混淆，無樣講得好，
社工爸媽相信這種理念，
所以6歲前無讓阿仔接觸外語。
阿仔快要9歲，
最近其中一件很熱衷的事情是聽日文卡通歌，
常常說要唱給我聽，
又邀請我跟佢學，
逐句教我。
無論他將來是否說得一口流利日文，
是否科學家，
都不重要，
最重要的是，
他在過程中經歷了非常正面的學習時光，
培養了從內裏發出強而有力的學習動機，
令他一生受用。
作者：社工爸媽自家教手記
其他文章：