【外傭渴市】「現成外傭」揀工做 月薪$5000又要獨立房 講明不湊B和老人家

新冠肺炎疫情再度肆虐，不少僱主因入境或安全問題，只能聘請不同原因完約的「現成外傭」，「現成外傭」變得渴市，變相可以選工作做，有外傭公司提高「現成外傭」人工最少5000起，而且還有一系列要求，有僱主嘆：「年尾我請到姐姐嘅機會係唔係好渺茫？」

有港媽在Facebook群組「外傭僱主必看新聞訊息」發帖文表示，現在聘請「現成印傭」相當困難，除了人工要5,000元起外，家中不可以有老人家和BB，或只想照顧其一，另外還要有獨立房，否則寧願等也不妥協，令港媽無奈大嘆：「年尾我請到姐姐既機會係唔係好渺茫？」

不少過來人留言表示有同感，亦建議僱主不妨找多幾間agent。「我之前諗住搵本地印姐， 佢都無要求額外加人工同獨立房。不過宜家係難嘅， 但年尾都仲有時間，快啲搵多幾間agent問下啦！」、「今時今日姐姐的確好揀工，但唔代表你無得選擇，呢個世界你揀人時人揀你，唔好誤會agent 一定要企僱主嗰邊，佢只係一個橋樑。揀多幾個 Agent 攞多幾個 profile 比較，一日未俾錢一日控制權喺你手。」

另外也有過來人分享，「 我4月尾請咗個完約工人，佢resume都要求自己一間房，agent幫我問佢share room做唔做。其實睇咗成疊resume，過半都要求有自己房，只係佢哋心態上博一博，要求咗先，可以傾嘅。」

來源：外傭僱主必看新聞訊息