家長呻學校通訊群組 慘變炫耀子女陣地

^有網民不理解爲何其他家長在學校群組炫耀子女。unsplash示意圖片

相信不少父母都樂見望子成龍，但並非個個父母都喜歡公開表揚甚至炫耀。有網民在親子討論區發文，指自從加入津小、私幼的通訊程式群組後，難以理解有些家長素未謀面，卻好喜歡在學校群讚自己小朋友。

網民發文稱，暫時聽過「要考級十，沒有難度。」、「 學校上堂的東西我小朋友全部識晒」、「我仔話係咁咁咁，佢唔會錯」、「我哋冇教過，但（2歲）小朋友自己一拎起書就識讀啲字」、「我哋冇教過，小朋友識肯唐詩」。這些浮誇對話，令網民質疑「2歲（就識讀啲字），天才?」、「3歲，唔通日常生活用唐詩對話？」，直言「依個世界一山還有一山高」。

有其他網民就留言嘲諷「呢啲家長自我感覺良好」、「個個都覺得自己小朋友好精叻架啦！呢啲嘢唔使太上心嘅！」、「最鐘意個女畫完一幅畫就share比大家。然後有虛偽家長讚，而其實大家才啱入group唔識得嘅 我唔洗知你個女畫咗乜，講返學校嘢就ok啦」。