【揠苗助長】家長推3歲子女學鋼琴 老師感無奈：去幼兒音樂班仲好啦

現今有不少父母都會希望自己的子女多才多藝、琴棋書畫樣樣皆精，令他們未來在社會更有競爭力。不過要小孩過早練成，似乎不見得是一件好事。有一名鋼琴老師近日在網上表示，不知怎樣教一個3歲的小孩學琴，大呻「不如去啲幼兒音樂班個啲仲好？」

一名鋼琴老師早前在社交媒體Facebook專頁「樂器·補習導師Secrets」上投稿，表示不知道應該怎樣教導一名3歲的小孩學琴，指出用不同的方法教他，他都無法正常彈奏一小段，「我上堂可以用其他教具教佢拍子、認音，但去到彈琴佢就難聽指令」，又指花太多時間用教具的話，則沒有時間教他彈琴。這名老師感到左右為難，不禁在網上大呻「咁不如去啲幼兒音樂班個啲仲好？」

帖文一出，不少網民都批評該小孩的家長「揠苗助長」，過分催谷小孩，「講少少數據嘢，7歲先係骨骼開始發育好，之前係好難真係掌握到好嘅用力方法」、「BB專注力仲係較弱，都未可以乖乖地坐定定奏琴。如果夾硬嚟要佢彈，我覺得會影響小朋友對學音樂嘅興趣」。亦有家長留言分享表示，曾在社區中心教過3至4歲的小朋友，認為「似托兒多過教琴」，因此在其兒子還小時，就會跟他說「5歲前唔會教你彈琴」。

另外，此帖同時激發了不少網民留下創意留言嘲諷：「我想問點樣胎教可以個仔一出世就識彈琴」、「3歲彈唔到琴真係好差，不過我聽過3歲讀唔到博士，呢個就真係好差」、「點樣可以令個3歲BB識幾種語言？要識寫識作文thx」、「胎教量子力學is ok」、「3歲要攞諾貝爾啦，仲學琴？」，相當搞笑。

頭條日報授權轉載