【主題美食】萬聖節主題小食 | 超簡易 | 親子落廚︳和牛b的成長日記

萬聖節又就快到了，雖然今年嘅情況唔適宜開Party/ 聚會。

不過，家長都可以同小朋友喺屋企一家人搞個萬聖節Mini Party~

享受一下節日氣氛，俾小朋友扮鬼扮馬，再整返主題小食，盡情享受節日氣氛。

從生活中體驗、學習。

今年，我就已經準備好佈置用嘅小道具，和牛B嘅小魔女造型~

而我哋今次嘅萬聖節主題小食，都好容易整，小朋友亦都可以一齊落手落腳整!

材料:

1. 棉花糖

2. 白朱古力

3. 朱古力

4. 手指餅

5. Oreo夾心餅

6. 百力滋

7. 裝飾用朱古力碎

8. 裝飾用朱古力筆

9. 食用色素 (紅色、橙色、綠色)

教學影片>>

首先教大家做「棉花糖木乃伊」:

1. 用熱水座溶白朱古力

2. 用竹籤拮住棉花糖備用

3. 將白古力漿淋到棉花糖上，切記要保持轉動棉花糖。

4. 待風乾後，再進行裝飾 (畫上眼睛及咀)。

「棉花糖南瓜人」:

1. 將橙食用色素加入白朱古力，大概1-2滴拌勻，視乎顏色是否夠色。

2. 將棉花糖沾滿橙色朱古力，

待風乾後，再進行裝飾 (畫上眼睛及咀)。

「棉花糖南瓜人」:

1. 用熱水座溶白朱古力，將綠食用色素加入白朱古力，大概1-2滴拌勻，視乎顏色是否夠色。

2. 將棉花糖沾滿綠色朱古力，待風乾後，再進行裝飾 (畫上頭髮、眼睛及咀)。

「萬聖節人物棉花糖」完成!

「Oreo夾心餅蜘蛛」:

1.百力滋截斷成大概3份，再用百力滋沾上少許朱古力，再黏到夾心餅中間。

2. 用黃色朱古力造型筆，畫上眼白部分。

3. 用啡色朱古力造型筆，畫上瞳孔部分。

「女巫手指餅」:

1. 用熱水座溶白朱古力，將紅食用色素加入白朱古力，大概1-2滴拌勻，視乎顏色是否夠色。

2. 沾少許朱古力漿於手指餅最前嘅部分，扮手指甲。

「Oreo夾心餅蜘蛛」及「女巫手指餅」完成。

————————————————–

Facebook專頁:和牛B嘅成長專頁

nstagram: wagyubmami

作者: 和牛b的成長日記

相關文章：

【和牛b的成長日記】親子去處︳The Big Things 芬蘭式室內遊樂場 | 大自然主題 

【和牛b的成長日記】親子好去處︳懷舊茶座 x 飛機餐兒童餐 | 機動遊戲 x 電子動感遊樂祭