親子手工︳黏土賀年桃花樹 ︳安妮媽媽親子日記
2021-01-31
農曆新年又到喇，佈置屋企又點少得一盆靚靚賀年花呀？
今年的賀年花係我同Aidan一齊創作，既特別又可以親子創作，令哥哥加深對節日的印象。
這盆桃花係哥哥一邊創作一邊俾意見的，佢仲話想自己坐喺桃花樹下逗利是，好搞笑。
作品中的福字，利是封和樹上掛飾我係喺唔要的利是封上剪下來的，又靚又環保。
==========================
創作過程:
– 花盆可以用唔要的膠碗創作，在碗內塞滿唔要的紙張可以減少用輕黏土的份量。
– 樹枝的枝幹造型可以用紙張塑造出來，再用皺紋膠紙貼實
– 用黏土包住花盆和樹枝 （ 樹枝的細節位比較難黏貼，需要家長從旁協助 ）
– 用黏土創作桃花，葉子
– 用黏土創作小孩子（可以依據小朋友的喜好創作其他物件，例如小動物，植物等。）
– 用舊的利是封剪出福字和紅紙
– 在紅紙上寫祝福語做賀年掛飾
– 用金色紙條圍住個花盆邊
**安妮媽媽溫馨提示:
– 小孩子的身體，頭和手的連接位加插牙簽，會令整個結構更穩固。
– 要等輕黏土乾透先好玩呀，如果唔係黏土會變形。
==========================
希望大家喜歡今次的親子創作分享啦。
材料: 輕黏土，膠碗，廢紙，白膠漿 利是封，金色紙條，牙簽
—————————————
歡迎連絡安妮媽媽：
Facebook專頁： 安妮媽媽親子日記
IG: @Annie_mama_diary | 安妮媽媽親子日記
E-mail : [email protected]
作者﹕安妮媽媽親子日記
其他文章﹕