恢復面授 | 2名哥哥ZOOM住帶妹妹返學 育有3孩港媽：過程中有啲忙亂

^Gloria 表示，「天氣好都可以，落雨就麻煩啦！」

隨着本港疫情緩和，在農曆新年假期過後，大部分學校已於前日（22日）復課，三分一的學生可回校進行面授課堂。家長反應好壞參半，育有3孩港媽 Gloria 昨日在 《歌c拉。3年抱3。1湊3》專頁分享，因要湊讀K3的女兒回校上課，兩名讀小學兒子只能一邊Zoom，一邊陪媽媽帶妹妹返學。媽媽坦言，「過程中有啲忙亂!」

Gloria 平日一人照顧3名孩子，早兩日妹妹幼稚園恢復面授課堂，所以2名哥哥兩日也「Zoom住」帶妹妹返學。第一日Gloria 嘗試坐巴士，「巴士嘅好處行車穩定啲車身高啲，對於要就不時望一望課堂內容 screen嘅2個哥哥嚟講無咁頭暈！」不過需要行去巴士站、落車後亦需要行一段路的關係，對兩位上緊網課的小朋友來說，的確增添麻煩。

於是Gloria 第二日嘗試坐的士，的士好處是孩子可以遲些出門口，可以上10至20分鐘網課才出門口，落車只需要行少少便到妹妹學校。可是全程實在太頭暈，3個小朋友都坐到「吽吽哣哣」，根本不會聽得入耳，亦更加唔可能望到電子屏幕。Gloria 坦言，大部分時間都是「聽」網課，所以兩位兒子認為坐巴士較好，惟要衡量各樣因素再決定。

「佢哋呢年返學嘅模式『變幻莫測』我嘅無奈感愈嚟愈嚴重..!」Gloria仍然苦笑面對，她澄清是無奈感重非無力感，「如果連媽媽都無力，又點能夠一齊跨過難關呢？！要有足夠力氣去感受呢份無奈！」

Gloria 表示，兩名哥哥暫時只上zoom網課，而妹妹一星期需要回校上課2次。媽媽趁孩子們這幾天也留家上課，好好考慮應如何再安排。

經 《歌c拉。3年抱3。1湊3》Facebook專頁 授權轉載