開鎖師傅花15秒開反鎖房門 港媽付$350感肉赤求安慰

不少人都有遇過家門反鎖的經歷，並會向開鎖師傅求救，若是能順利開門，相信定會非常高興。不過，一名港媽近日花了350元請師傅上門開鎖，卻因對方僅用15秒便成功開鎖而感到「肉赤」！

有女網民在社交媒體Facebook群組「Mei Foo 美孚」發文，指早前發現家中房門反鎖了，於是便透過通訊程式WhatsApp向一間大型開鎖公司求救，職員回覆時開價350元，樓主亦表示同意。怎料，開鎖師傅入屋後，只花了15秒便成功開鎖，令她感到「肉赤」及哭笑不得，「突然間消失咗$350，好似一陣風飄過，有冇『谷友』安慰吓？」

樓主補充，當時自己趕住出門，東西卻被鎖在房內，情急次下只好找開鎖公司幫忙，並無嘗試自行處理，又透露曾打算向職員「講價」，「諗住壓到$250個心比較舒服」，但最終亦無奈接受。她直言日後定要多配一條房門鎖匙放在母親處，他日再遇到同類事情也能有後備匙開門。

不過，大部分有網民看後，都認為樓主的思維不太正確，指出開鎖師傅同屬專業人士，事主花錢「購買」其服務及技術是合情合理，「你叫一個都係專業人士嘅人走上你屋企，咁嗰度都唔係幾十秒嘅事啦」、「唔通你希望佢喺度同你整五個鐘先開返到門？」、「下次試下喺門口坐通宵十幾個鐘先搵人黎開，可能覺得抵啲」、「其實開鎖佬唔係天生識開鎖的」、「專業嘅野唔係用時間去衡量」。

頭條日報授權轉載