MIRROR | 出道時負評滿天飛 兩年半後成香港人氣男團
2021-05-17
2018年《全民造星》第一季比賽結束後,ViuTV宣布將推出男團MIRROR,當時網民並不看好這隊香港男團,更在連登出post諷刺「冇人想知MIRROR嘅事」,直言「3年後仲喺度先同我講」。邊個估到MIRROR兩年半後人氣爆燈,順利完成六場九展演唱會,甚至有唔少網民認為MIRROR為香港樂壇帶來新景象。今日就同大家回帶MIRROR出道時面對的負評。
MIRROR正式成軍後,網民並不看好這隊香港男團,紛紛留言指「Sor,唔係唔想支持,但感覺上真係唔係好掂,好似夾硬組隊咁」,「一定好快內訌拆夥」、「十二個散硬啦,似做新聞炒熱下」、「未見過咁老嘅男團」,指責ViuTV做了個錯誤決定,亦有人指「紅嘅只係得姜濤一個,其他人全部都係做陪襯,最後就係送晒咁多人上一條不歸路」。
但有邊個估到MIRROR唔單止無解散,人氣仲蒸蒸日上,兩年半內推出過一隻大碟,成功舉行兩場演唱會,各團員全方位發展,單飛出歌,出演不同劇集及綜藝節目,成績亮麗。
來源:LIHKG
更多文章: