媒體人爆古天樂溫馨日常事 大讚親民：名望是累積而成

古天樂近年成為大家心目中的男神，絕對是與他的性格有關。而曾為古天樂效力的媒體人Terry日前於FB專頁分享兩件古天樂的溫馨小故事，大讚古天樂為人親民、友善，更稱「古生而家嘅名望，絕對係日常累積而成」。

傳媒人Terry昨日於FB專頁「Terry的媒體懶人堂」發文，指自己曾為古天樂工作一年多的時間，當中親眼目睹古天樂親民的事蹟。Terry表示，有次同事在公司與姐姐通電話，古天樂突然出現，「問有咩咁好傾？同事就遞個電話俾古生」：

「同事家姐：你邊位？
古生：你又邊位？
同事家姐：…
古生：你做緊咩？
同事家姐：下，返緊工…
古生：我問你就答嘅真係呢。」

最後古天樂將電話交還給同事便轉身離開，同事的姐姐亦倍感無奈，但當她得知該男人竟然係古天樂後，亦大吃一驚。

Terry其後再分享一件趣事，他指古天樂經過公司大堂時，發現有一名男子坐沙發上已經有一段長時間，於是詢問同事「佢喺度好耐喇喎，罰留堂咁，你問下佢咩事啦」。當古天樂得知該名男子是來見工後，便直接聯絡部門主管，「然後古生行咗去個部門主管門口，敲門溫馨提示，話有位先生嚟見工，但預得太早嚟到，所以等緊。結果個男人望住古生呆咗」。

Terry大讚古天樂為人友善、幫人不遺餘力，「堂堂古天樂為好多大家講唔出名嘅藝人，親自出面幫手鋪路，爭取演出同參與製作嘅機會。咁好嘅會長，邊度搵？香港人睇完古生尋秦，又睇古生尋電影夢。祝古生成功」。

帖文引起網民熱議，更有網民分享於街上偶遇古天樂的事蹟，「N年前同朋友喺紅磡某大酒店Staycation，喺室外泳池游完水，眼朦朦咁行返入室內，有位男士開門俾我，我講聲唔該就行咗去，後來朋友同我講係古天樂先生開門俾我」、「十幾年前分別見過古生兩次，好人到不得了」。

頭條日報授權轉載