網民抱童借廁所不果 擬公審麵店惹反效果

^粉麵店附近的海寧街公廁。

有網民在facebook群組 「筲箕灣人筲箕灣事」發文，指今早帶小朋友借用粉麵店廁所被拒，聲討西灣河某粉麵店的員工真是混賬，反惹來其他網民爭議。

網民指，今早帶個小朋友返學行經此舖前，小朋友肚子痛人有三急，於是入粉麵店「借個廁所方便下，兩個廚房大嬸走出表示未開舖唔借得，仲叫我哋去隔離公廁。」

網民怒斥，「可憐！個小朋友抱住個肚求救得到咁嘅回應。可悲！請著咁嘅員工簡直社會之恥！」網民還揚言要罷食西灣河某粉麵店。其後發文者已經刪除帖文。

不過一眾網民大多不敢苟同，批評「行多幾步就公廁，抵插喇」、「畀我寧願去公廁都唔會去鋪頭借，好熟咩，仲要近到咁」，有人更譏諷「西灣河銀行啲員工真係XX,今早帶銀包返工行經此行前小弟肚餓又無錢,我入去行問借二佰蚊方便下,兩個銀行職員走出表示未開舖唔借得仲叫我去隔離㩒機….。可憐!我餓住個肚求救得到咁嘅回應。可悲!銀行請着咁嘅員工,簡直社會之耻!拒絕放錢入西灣河銀行」。

根據Google地圖資料，有關粉麵店距離附近的海寧街公廁，徒步大約1分鐘，路程約81米。