分享BB發燒的處理和注意事項 │80後手作媽媽

2021-08-04


記得我寫親子Blog嘅初心就係想俾新手媽媽們一D我自己嘅湊B經驗分享,因為我自己都係由一個新手媽媽開始,我明白係會遇上一D從未遇過嘅問題,呢個時候,就係上網睇下其他媽媽嘅分享,讓自己可以好好處理問題,心都會定D。

作為父母,最怕就係遇上小朋友病,尤其係發燒,感覺真係好驚。但係,小朋友經歷小病係必經階段,只係遲定早嘅事,今次到我面對了。上星期因為爸爸病了,過咗幾日之後,突然有一晚小Sheryl發燒,初頭只係燒到大約38度左右,我都處於觀察態度,後來當佢訓著咗之後,就燒到39度,可惜之前看門口嘅退燒藥都已經掉晒,所以我就要抱小B去附近醫院一心諗住拿退燒藥。點知去到醫院,小B突然在見醫生之前嘔,本身都仲好定嘅我突然就好驚,醫生就建議入院,結果驗到係同爸爸一樣中咗鼻病毒,所以發燒。

真心講,真係好擔心,一邊忙於send message俾老闆請假,老闆仲send咗一份有關小朋友發燒嘅處理方法俾我睇,我睇完覺得真係好好,好有用,好想同大家分享一下,希望當各位媽媽睇到呢篇blog時,都會保持鎮定,以正確方法應對。

了解發燒:

發燒並不是一種疾病,只是一種症狀,是提醒父母及醫生孩子可能患上疾病。發高燒的定義無論是肛探、耳探、口秦或腋探,39.5°C (103℉)或以上稱為高熱,而41°C (106℉)是超高熱。

一般的發燒是在38.5-40°C(101-104℉)的範圍,是身體對付病菌、病毒入侵的正常反應。發燒時,白血球增多、抗體產生增加、吞噬細胞作用提升、循環系統(運輸系統)速率加快和肝臟解毒增強,並不會”燒壞腦”的。當然,超高發熱(41°C/106℉以上)時,情況則不一樣。超高發熱可引起代謝增加,氧氣和能量消耗很大,中樞神經興奮性增高,可引致抽搐,對人體危害性很大。

紅色警號:

孩子發燒時,父母應不斷觀察,每2小時為孩子探熱,最好家居就有一支耳探,因為耳探不影響小孩睡覺,而且準確度高,而醫生亦有說到額探是不夠準確的,只能作參考。除了探熱外,亦要留意小孩的精神狀態、呼吸情況、小便、有否嘔吐、大便、痛症(口、喉、耳、關節)、皮疹和進食情況。如有下列情況,請盡速帶小朋友到附近的醫院/醫務所就診:

– 昏迷、神智不清、精神恍惚、癱瘓

– 全身抽搐(抽筋)、頸梗僵直

– 呼吸困難、嚴重胸痛

– 皮下出血

– 面色蒼白或轉藍

– 任何年紀,溫度於40.5°C(105℉)或以上

– 咽食困難、嗓子(喉)痛、猛流口水

– 3個月以下嬰兒溫度於38.5°C(101℉)以上

– 嚴重嘔吐、腹瀉、腹痛、腰痛、脫水

– 吃藥後情況急劇轉壞

藥物治療:

遇上發燒時,應盡早服退燒藥,可以避免超高熱所構成永久傷害或全身抽筋,又可以減輕孩子痛苦,從而增加食慾和減少脫水,所以居家都應該常備看門口的退燒藥,同時亦要俾小朋友盡量多飲水,分多次飲,每次飲少少,不要一次過飲太多水,以免嘔吐,這主要係預防脫水。

其他護理:

除了食退燒藥,也可同時進行其他方式幫助減熱:

1. 沖溫水浴: 擴張汗腺,有助退燒,效果比抹身為佳,最好是吃退燒藥或塞肛後半小時才進行。水溫應維持在 30-35°C,避免在通風地方進行,全身需沒入水內約10-15分鐘。

2. 退熱貼及冰袋: 雖然成效教慢,但也有少許幫助。退熱貼可貼於前額,既可退熱也可以止頭痛。如孩子不合作常常撕掉退熱貼,則可貼於背部。

3. 衣服: 穿適量衣服,單衣鬆身為佳。

4. 空氣: 保持空氣流通,勿讓小孩正面吹風,空溫保持在22-26°C之間。

5. 食物: 選容易消化和不含肥膩的食物,古法避吃米飯是不必要的。進食最好少食多餐,宜流食/半流食,例如: 稀粥、溫和的湯水、稀奶、豆漿、益力多、稀蘋果汁或不含氣的雪碧等。

6. 口腔護理: 注意口腔衛生,可以溫水/鹽水漱口。

7. 休息: 這是重點,小朋友未必知道自己要多休息,有D比較”心野”嘅小朋友好似小Sheryl咁,就要由父母主動迫佢訓多D教,只有多休息病先會快D好,暫停所有劇烈活動。

有D老人家會話小朋友發燒時要俾佢穿多D厚衣,焗一身汗,呢個做法係錯誤的! 千萬唔好亂黎,咁樣做會使身體難以散熱,更容易出現高熱、引致抽搐。

記住,發燒只係一個症狀,退燒後都唔代表已經痊癒,還需翌日帶小朋友去求診。

有咗小朋友,媽媽的心一定要變得更強大,同埋時常保持好好準備同鎮定,以下係一D家居必備品建議:

– 退燒藥

– 耳探

– 退熱貼 (如無都可以用小紗巾濕水代替,不過要間唔時拿起再濕新水)

作者:80後手作媽媽

其他文章:

【80後手作媽媽】BB便便和私處的處理

【80後手作媽媽】BB唔肯食奶應如何處理?

熱門文章

腦部發展│玩布偶有助訓練小朋友記憶力、語言力、觀察力及專注力
10-19
擁抱孩子|擁抱的力量比你想像中大 多擁抱有助孩子正向發展
10-20
孕婦湯水 |中醫師推薦 安胎湯水 (附 孕婦禁忌食物 一覽)
10-11
嬰兒健康|為BB 剃光頭 頭髮真的會愈生愈濃密嗎?
08-16
產檢時間表 、產檢流程及檢查項目 (公立醫院 vs 私家醫院)
04-06

pamajunior_cat

查看更多   ▸
腦部發展│玩布偶有助訓練小朋友記憶力、語言力、觀察力及專注力
2021-10-19
食譜分享│滋味營養高南瓜繪螺絲粉,小朋友至啱!│Kylife
2021-10-18
嚴選部分水解蛋白配方奶粉 精鑽組合有助打造BB耐敏體質
2021-09-17
嬰兒健康|為BB 剃光頭 頭髮真的會愈生愈濃密嗎?
2021-08-16
揀配方奶粉需知|3大方向入手 挑選優質免疫益生元素
2021-08-16
日本熱賣︱BB止痕好幫手BABY MOPIDICK登陸香港
2021-07-12
查看更多   ▸