網絡熱話 | 送月餅給外傭 要求指定牌子後放上網轉售 僱主:好似俾人呃錢
2021-09-09
^示意圖,非當事人(圖片:Huong Ho@nsplash)
中秋節就到了,大家買咗月餅未?近日一名女網友在網上發文,指發現家中外傭將自己送給她的月餅,放到網上出售,令她大感無奈,直言「好似俾人呃錢」。
一名女網友日前(7日)在「香港討論區」出post,指儘管家中外傭平日表現一般,但中秋過節,想送月餅給外傭,以表心意。便向其查詢想食甚麼款的月餅,對方表示想食某一款牌子的奶黃月餅。
事主認為該款月餅不是太貴,因此沒有異議。怎料,事主事後發現,外傭把她送的月餅放到網上轉售,為外傭的行為感到不滿,「我真係有啲(d)嬲,好似俾人呃錢咁!」。
其他文章:外傭到港|菲政府:港府同意本月30日起讓已打針菲傭到港工作 公會估計4500名菲傭可望來港
有網民認為外傭的行為「過分咗」,始終是僱主的一番心意,外傭不應隨便將月餅賣走,亦有網民認為事主把月餅送了給外傭,外傭有權決定如何處置該盒月餅,「有咩問題?送咗俾人人地點處理都得啦」、「用唔著嘅嘢攞去賣,好合理」、「送得俾佢,資產已經轉移」、「禮物送咗俾人,人哋就有權決定點處置份禮物,包括變賣」、「算啦,送俾人計較啲咩,唔通過年俾利是,又限住人地點用啲利是錢咩」。
來源:香港討論區