先天性心臟病「小鐵漢」| 小鐵漢度過危險期 心功能穩定 父母：快快好番，爸媽就可以24小時陪住你！
2021-09-27
患先天心臟病、5次接受心臟手術的4歲病童「小鐵漢」Kansas，在9月27日完成第6次手術，換上新的心臟起搏器，單心室循環系統由於運行反應太強大，導致「小鐵漢」肺壓很高。醫生指需要時間讓他身體自行適應這個新系統，在未來48小時內身體無排斥的話就算是成功。
昨日小鐵漢媽媽在社交平台更新，指Kansas平安過渡危險期，已經清醒，完全適應新的單心室循環系統，所有心功能都很穩定，不用插喉，可以靠自己呼吸，面色亦不錯。
只是Kansas的腎功能指數很高，正常人是60，去到100已經是很高，而Kansas的腎功能指數是三百幾。醫生指腎功能指數若是一直都這麼高，最壞情況需要安排洗腎。但醫生有說很多病人手術後，頭幾日都有這樣的情況，只要去水去得好(屙尿)，就沒有問題。
Kansas見到爸爸第一件事是指自己很急尿，媽媽笑指相信他已經忍了很耐，「因為囝囝之前已經習慣咗自己去洗手間屙尿，而每次去之前都會同我哋/老師講，我當時即刻諗…佢嘅腎指數咁高，會唔會就係因為忍尿唔夠膽屙呢 ？」，媽媽立即告訴Kansas「你而家啱啱做完手術，未起得身屙尿架，你而家要當自己好似BB仔咁，想屙就屙啦，唔需要問人，亦都唔需要怕整污糟架，知唔知呀」，隨後就見到兒子排尿，她相信腎指數偏高一定很快搞掂。
爸爸媽媽指，每日只能與Kansas見30分鐘，在早前不能見面的二十多個小時，真的很擔心。但每次入兒童加護病房（PICU）都會聽到醫生讚他好乖、好聽話，康復進度一次好過一次。
最後兩人表示希望兒子盡快康復：「阿仔，您要乖呀，記住！屙多啲尿，唔使問人，想屙就屙，排水排得好，就好快可以返普通病房㗎喇，到時爸爸媽媽就可以24小時陪住你！」
媽媽在今日（30日），在社交平台上上傳了一張相片，是上年才裝的心臟起搏器， 「過去一年為咗支持囝囝嘅心臟跳動去應付Phase 3手術，所以用電量超大」，醫生替小鐵漢裝了一個新的，這個舊的光榮退役，「醫生真係好Sweet，拆咗出嚟之後就送返俾我哋一家留念，我會將這個曾經支持過小鐵漢一年心跳嘅守護天使鑲起佢，記念佢嘅戰功」。
其他文章：