媽媽不易｜Bob懷疑老婆出軌 晚晚起身同姦夫傾電話 查明真相後內疚不已
2021-10-04
林盛斌（Bob）是娛樂圈中的「愛家之人」，常在社交平台上分享，與家人相處的點點滴滴。昨晚 Bob 在個人社交平台上發文，懷疑太太有外遇，每晚凌晨時分都會走出房間幾分鐘後才回來，但發現真相後， Bob表示內疚，更向網民查詢「有冇咩辦法可以令我冇咁內疚？」
Bob昨日（3/10）在個人社交平台上發文，指近日發現老婆每逢夜晚12點，凌晨3點，早上6點，鬧鐘就會響，老婆（Pearl Wong 黃乙頤）會走出房間幾分鐘後才回來，這樣的行為維持了一段時間，Bob懷疑老婆有外遇，「我有懷疑過佢係咪約好時間，偷偷地同出面個姦夫傾電話，鬼鬼鼠鼠燴番薯嗰啲！」
後來Bob忍不住問老婆，得到的回答是替兒子戒尿片，「原來佢為咗幫個仔戒夜晚瞓覺片，專登過去隔離房抱佢起身去廁所，等佢唔好瀨尿，整濕條褲同啲牀被。」Bob好奇為何只有兒子要這樣做，但之前照顧女兒時卻沒有，只換來老婆淡然的回應，「其實咁多年嚟個個都有咁做嘅，係你冇留意啫。」
其他文章：多才多藝｜兩女兒出戰全港校際比賽獲獎 林盛斌得悉藝術體操奪金開心大叫
在得到老婆的回答後， Bob表示內疚，笑言「請問各位有冇咩辦法可以令我冇咁內疚？在線等。」帖文下，有不少網友留言，「由聽晚開始，呢個戒片任務就由你做啦」、「你宜家知道做媽媽係幾咁辛苦啦，你要對老婆好啲錫佢多啲」、「生多個，然後到時你負責戒夜片」、「成功男士背後的女人」。
來源：林盛斌（Bob）