明星親子 | 洪永城太太Inez誕女重6.2磅 催生藥無助開宮頸 痛足14小時
2021-12-23
恭喜洪永城太太Inez 順利誕下女兒 Amber ! 洪永城和太太Inez分別在個人社交平台報喜,向大眾宣佈洪寶寶出世喇!Inez 還感性跟女兒說,「媽媽會好好照顧你,我會係你最強的後盾」。
夫妻二人也感謝荃灣港安醫院團隊的幫忙,而 Inez 亦多謝老公,因為每當她作動時,痛到又暈又想嘔時,真的差點「扭斷」他手臂。Inez 分享生產過程,指由於催生藥無法幫她開宮頸,所以痛足14小時,催生了兩次亦沒用。最後醫生避免寶寶危險,決定要開刀,幸好母女平安寶寶很健康。
「寶寶出生後就即刻喊,連我都跟住大喊咗出嚟,見到洪寶寶平安地出生。甚麼痛楚都唔緊要了,一切都很值得。謝謝上天給我們一位小天使,期待我們一家相處的日子。」
爸爸洪永城帖文則代入女兒角色寫,「我一出世,姐姐同叔叔就話『嘩,好似爸爸呀!』跟住我望望爸爸媽媽,我有唔開心,因為我想似媽媽多少少,媽媽好靚」、「我會快高長大、孝順同好乖,會照顧媽媽,帶歡樂俾大家….哈哈,至於爸爸,我好肚餓,可唔可以快去搵奶粉錢呀。」
資料來源:guruhung、inez_leong @Instagram
其他來源: