恐怖｜網上瘋傳兩公婆嗌交 媽媽把8個月大BB掉入 垃圾桶 泄憤
2021-12-28
近日網上流傳數張Whatsapp對話截圖，一名媽媽疑因孩子生病，到公立醫院求醫後仍然未能康復，於是向丈夫提出要到私立醫院治療卻遭反對，一氣之下竟將8個月大的BB，掉入 垃圾桶，引來網民批評，更有網民揚言要「搞大佢」，找社署跟進。
據網上流傳截圖可見，一名媽媽指自己與丈夫發生爭執，把8個月大的BB掉入村口的 垃圾桶 不管，直言「之後我老公就唔夠膽辣（焫）着我，自從我掉咗個仔出門口，我老公唔敢唔幫手湊」。事緣孩子因病前後入了兩次公立醫院，但出院後仍然生病，便向丈夫提出要到私立醫院治療卻遭反對，一氣之下就把孩子放入垃圾桶。
對話流出後，涉事媽媽遭其他家長批評「點做人媽媽？」：「為甚麼一定要靠男人，不可以自己把孩子帶到醫院？」而涉事媽媽則回應「無錢，在該情況下控制不住自己，唔咁做點去睇（醫生）」，可惜解釋不被接受，更被痛批控制不到又如何：「無錢就唔好學人生仔，又要威又要戴頭盔」。
亦有人提出為何明知孩子生病，還要把孩子掉入垃圾桶？涉事媽媽一開始指自己是把孩子掉入村內的垃圾桶，「唔同街邊的垃圾桶」，但後來又改口是放在花園的垃圾桶，自己有用閉路電視「睇住」孩子，涉事媽媽不認為自己有錯，更反駁「你以前細個曳，媽媽又是掉你出門口」。
群組成員紛紛批評「未見過咁痴線嘅媽媽」、「你有母愛嘅，個仔有啲風吹草動都即刻去醫院啦」、「你個行動已經有問題，根本唔關你係咪睇唔睇住佢嘅事」、「佢係你個仔，唔係玩具喎，唔係話扔就扔」，更有家長揚言要報警救BB，「搞大佢」，找社署跟進。
其他文章：