兒童健康 | Coffee囝囝口腔發炎嘴唇又紅又腫 伯伯變樣如中面目全非拳

兒童健康 | TVB前藝人林芊妤轉型成為瑜伽運動KOL，除了拍YouTube片外，亦不時在網上分享生活事情，昨日（6日）她在IG貼出短片及相片，紀錄囝囝「伯伯」首次去醫院看醫生，短片及相片中見到伯伯上嘴唇又紅又腫，樣子更大有出入，難怪Coffee苦笑形容囝囝如中了「面目全非拳」。

Coffee留言透露：「琴（噚）日個上唇有少少腫以為佢撞到，瞓覺嘅時候腫到不得，仲有少少發燒，即刻抱住佢去醫院，驚佢食物敏感怕佢會抖唔到氣，見完醫生話佢係病毒或者有細菌感染，應該本身嘴入面有傷口，然後佢覺得痛係咁用隻手指整個嘴仔，咁一定係啦佢，依幾日係咁用手指篤佢，所以就感染到，依家佢變咗一隻鴨仔⋯完全唔認得佢，中咗面目全非拳，今次都係BB第一次要食藥。」

接着Coffee又自爆接着又發惡夢，夢中遇到世界末日要上船逃難，怎料被巨浪打翻，一覺醒來竟有新老公新姐姐，但就不見了伯伯，直至有一日才見回污糟邋遢的伯伯，她立即上前攬着他喊，結果亦喊醒，Coffee寫着：「到瞓醒我都仲喊緊，所以話未考慮清楚真係唔好生，因為真係好大責任，仲成日搞到自己精神緊張。」希望伯伯可以早日康復，不用媽咪擔心。

Coffee澄清伯伯非生皰疹

其後有不少網民指，伯伯是生皰疹並怪責 Coffee 常咀兒子嘴巴。不過 Coffee 回覆網民澄清指，自己曾問醫生，因伯伯完全沒有起水泡，所以已診斷非生皰疹。新生嬰兒的感染多數由單純皰疹病毒引發，當中包括一型及二型兩類。感染皰疹一型為唇、口腔及咽喉部分黏膜出現症狀，如於生殖器出現症狀則屬於皰疹二型。

她估計，伯伯應該是口腔痱滋爆開，然後用手仔不停「捽」。後來醫生已經指是細菌感染，目前伯伯正服用抗生素，據悉情況已經好轉。