好人好事｜認知障礙老伯忘記目的地 耐心的哥兜路唔收額外錢
2022-04-19
認知障礙症在本港並不罕見，患者通常為65歲以上人士，而且年紀愈大，患病機率愈高。屯門一名患上認知障礙的老伯日前乘的士，一開始說出目的地與上車地點一樣，的士司機察覺後，耐心在區內一邊兜路，一邊幫助老伯回憶起目的地，最終成功送對方抵達，更只收24元「起錶價」！
有的士司機在社交媒體Facebook群組「的士司機資訊網Taxi」上載一段車內監控鏡頭影片，當中顯示某晚在屯門三聖邨接載了一名老伯，對方一上車便說了多次要去三聖邨，的士司機回覆指「呢度咪三聖邨」，更特意擰轉身望老伯表示「你話畀我聽，係咪呢度直行？三聖邨吖嘛？呢度咪三聖邨」，但老伯仍堅持要到三聖邨。
雖然的士司機感到非常疑惑，但仍無趕老伯下車，答應老伯「得，你話我知」。在後段剪輯的影片中可見，司機在行駛中問老伯「有無咩樓？知唔知咩樓？」，耐心嘗試幫老伯憶起真正目的地。其後司機從老伯的回應中找到線索，得知他想到蝴蝶邨，他事後發文分享事件表示「遇著患腦退化症嘅阿伯，喺屯門兜咗六分鐘，佢終於記得返原來係要去蝴蝶村（邨）」，更指事後只向老伯收取24元「起錶價」。
的士司機獲一眾網民大讚，「感恩有你」、「多謝你幫咗老人家」、「師兄好人好事呀！」。有網民笑言應做好人做到底，「應該唔收佢錢啦」，不過司機就回應表示要顧及老伯的感受，「唔收佢錢，佢會覺得自己專登坐霸王車。唔收佢錢對佢嚟講係侮辱，你接觸多啲呢類長者就明」，又指發文是希望提醒家有長者的網民留意，建議若他們有認知障礙的問題，可以「整啲牌畀佢哋掛喺身，等佢哋方便出門」。
認知障礙症前稱「老人癡呆症」或「腦退化症」，是因大腦神經細胞病變而引致大腦功能衰退的疾病，患者的記憶、理解、語言、學習、計算及判斷能力都會受影響，部分且會有情緒、行為及感覺等方面的變化。根據精神健康檢討報告（2017），本港患有認知障礙症的患者高達10萬人，接近長者人口10分之1。
影片來源：「的士司機資訊網Taxi」FB
頭條日報授權轉載
其他閱讀：