共享雨傘|大埔設「社區雨傘」讓街坊借用 有人一借無回頭 區議員望用家自律:希望社區多點愛
2022-05-12
^區議員姚鈞豪提醒大家用完記得還雨傘(圖片來源:姚鈞豪)
這個星期大雨不斷,天文台表示驟雨及雷暴今日持續影響本港,有時唔記得帶雨傘出街都幾狼狽。大埔有區議員與小店合作,推出「社區雨傘」,讓唔記得帶雨傘的街坊可以借用。
大埔多位區議員及有心人推行「雨傘共享計劃」,把街坊一同繪製的雨傘放在區內多個地點等大家自律借用,讓市民在有需要的情況下可以借用,不至於在大雨天時變成「落湯雞」。
不過區議員姚鈞豪於10日在社交平台出post,表示他們再次發現鷺鳥林的社區雨傘差不多無晒,所以早兩日又擺返幾把落去,等大家繼續有得用。他提醒如果見到有人攞完雨傘唔還,可以提佢還,唔好偷走,市民如家中有多幾把雨傘,又想捐出來給大家用,可以直接在上面寫上「社區雨傘」字眼,然後放到鷺鳥林的雨傘架,又或是交給區議員辦事處,等同事放工擺過去。姚鈞豪表示「多謝大家,希望社區多啲愛!」
其他文章:夏天湯水│落雨打風周身唔舒服? 中醫拆解「濕氣」對人體影響及改善方法 附10款袪濕湯水食療
計畫在去年推行,但結果與想像有些出入,姚躍生放在路邊同巴士站的雨傘好快無晒,雨傘架甚至變成垃圾桶。在今年4月區議員們再次推出進化版,汲取上次教訓後,決定聯同區內良心小店,推出更加可持續的社區雨傘計劃,除了鷺鳥林繼續用自律方式擺放社區雨傘外,其餘地點都設於店舖外,小店會負責幫手看管社區雨傘,市民如有需要就可以去舖頭門口借雨傘。他亦提醒任何一個擺放點攞雨傘還雨傘都可以,唔一定要擺番原本地方。如果有機構或者舖頭希望加入呢個Project嘅話,歡迎聯絡當區區議員。