生仔要考牌|排隊付款 遇小童多次「say hello」 回應多次後不再理睬 遭童父斥無禮貌
2022-05-13
^示意圖,非當事人
有時出街會遇到小朋友和你打招呼,大家又會唔會俾回應?有網民在網上投稿,表示在超市購物等待付錢時,排在前面的小朋友不斷和他「say hello」,事主一開頭也有回應,但後來覺得有點煩就沒有再回應了,沒想到在離開時,竟被兒童父親說他無禮貌,令事主大感無奈。
事主在Facebook專頁《生仔要考牌系列》投稿,指自己到一間超市購物,剛好那天是假期又是母親節,人流較多,去到排隊付錢時,一對父子剛好站在他前面,「咁啱有個要手抱嘅小朋友同家長排我前面,個小朋友同我say hello,我禮貌回應咗hello;跟住隔咗5分鐘後,佢又同我say hello,我又再禮貌講多次hello」。
而在排隊期間的10分鐘,那名男童不斷向事主「say hello」,事主覺得有點煩便低頭玩手機,扮看不到,但小朋友見狀還是不斷講:「hello, hello,hello」,事主這次大聲地說「HELLO,小朋友!」他希望周圍的人都聽到他有回應小朋友,「雖然禮多人不怪,但不斷重複講令人覺得真係好煩,所以我講完今次就專心玩手機唔再理佢」。
想不到過了5分鐘,孩子仍是不斷「say hello」,持續將近30分鐘,父母也沒有阻止或勸喻,事主唯有戴耳機扮聽不到。終於到事主付款,他心想「埋完單應該唔會再見」,誰不知在停車場又再見到他們,事主跑去攞車,仍逃不過小朋友的眼睛,小朋友由hello轉為講bye-bye。
事主快快手將物品放到車尾箱打算離開,卻聽到男童爸爸指責他,「小朋友hello又唔應,講bye-bye都唔應,使唔使咁無禮貌啊!?」在駕車離開時,該名父親逆線兜番個圈出嚟,在事主前急停,幸好事主車速較慢,沒有造成車禍。事主認為該名父親EQ低,行為「小學雞」。
事主指自己已多次回應孩子,但孩子如複讀機般不斷重複同一句話很煩,「唔係個個都要覺得咁樣係可愛㗎」,加上那名爸爸車中還有小朋友,對於爸爸的行為,事主直言「係咪想害死自己個仔!?」帖文一出,有不少網民留言表示自己都有相似經歷,表示自己會和小朋友傾其他事,「點都好過係咁hello hello」。
文章獲 《生仔要考牌系列》 授權轉載
其他文章:
生仔要考牌|兒子生日 請餐廳客人食蛋糕 客人未有主動祝賀 母當場「發爛渣」