心臟病嬰張保仔昨凌晨離世 爸爸媽媽:我哋一定會等你返嚟

2022-05-19


患有先天性心臟病男嬰張允祈(張保仔),於5月18日凌晨時分安然離世。面對兒子的離開,保爸保媽坦言已早有心理準備,慶幸張保仔等到爸爸媽媽的出現,一家三口相處了最後的10分鐘,最終在媽媽的懷抱中離開。

1歲的張保仔在出生時被發現患有先天性大血管移位(簡稱TGA,屬先天性心臟病一種),從此一直就在兒童醫院留醫,爸爸媽媽為了方便照顧他,索性每晚留宿在醫院,有事可以馬上到達兒子的身邊。就在5月18日的凌晨2點47分,保媽收到護士的電話,表明張保仔的情況不妙,叫保爸保媽馬上到病房探望他。

保媽指,當時一入病房,張保仔立刻有反應,心跳亦有提升,但保爸見兒子的情況頗為嚴重,主動向醫生請求,希望可以抱抱兒子:「由始至終,我哋一早講咗,我哋同意放棄搶救,但我哋想保仔喺爸媽懷中離開。」其後一家三口擁作一團,相處了最後的10分鐘,張保仔在媽媽的懷抱中,安詳地返回天家。

爸爸媽媽撰文表示,初初收到護士電話時已大為緊張,擔心見不到兒子最後一面:「雖然我哋由留宿房落嚟只係2-3分鐘時間,但我哋唔知保仔(情況)差咗幾耐,佢可以等到我哋收到電話再落去,呢段時間保爸媽知道你一定唔容易過……」保爸亦指,他們從來沒有後悔過一直留宿在醫院:「真係好怕呢一刻趕唔切,如果今朝喺屋企出發,保仔真係未切等到我哋…… 唯一遺憾係我同保媽喺佢呢段最辛苦嘅時間,我哋唔喺佢身邊,陪唔到佢…… 保仔,對唔住……」

保爸又指,張保仔離開得很安詳,終於不用再辛苦下去:「喺天家,無人再抽你痰,抽你鼻鼻,你唔再需要承愛一個人孤零零喺病牀,無爸媽喺身邊,無人理你嘅時間,你可以自由自在咁去開眼仔。雖然你開眼未必再見到爸媽喺你身邊,但我知道你已經變咗我哋最愛嘅小天使,守護住保爸媽。你好叻咁遵守咗第一個承諾,記得我哋仲有個約定,你喺天家探完婆婆,玩夠喇,就同天父講,你要用健康嘅身邊返嚟保爸媽身邊。記住,我哋會等你返嚟!保仔,我哋真係好愛好愛你…… 呢一刻說再見,之後我哋一定會再見!」

獲「張保仔!邁向偉大航道!」授權轉載

更多文章:

先天性心臟病|張保仔半夜情況突然變差 媽媽:雖有心理準備但仲好驚

生命鬥士|心臟病男嬰張保仔醫院開1歲生日會 媽媽:想話俾人知我個仔有幾叻

熱門文章

要求外傭打風落街買餸被拒 僱主:佢話8號波放假
07-04
趣聞|跟老婆吵架跑到外母家告狀 入屋後竟發現妹夫已入住4天
07-05
兒童安全|8個月大男嬰玩奶瓶蓋險窒息 爺爺及時扯下救一命
07-04
沒血緣的愛|70歲繼父照顧癱瘓繼子19年 每餐煮魚餵子自己只吃白粥
07-05
憂不務正業家姐未來生活艱難 父決定轉贈房子 兒子斥偏心:我賺得多都有錯?
07-05

網絡熱話|陝西男子怒打非禮女兒疑犯 自首後不獲起訴
2022-07-05
食物安全|保發食品有限公司煙三文魚樣本驗出含李斯特菌 已停售下架及回收
2022-07-05
局長盧寵茂:正積極研究為3歲以下幼童接種新冠疫苗 冀不久將來執行
2022-07-05
第5波疫情|增2268宗確診 英華書院4班別16學生確診
2022-07-05
趣聞|跟老婆吵架跑到外母家告狀 入屋後竟發現妹夫已入住4天
2022-07-05
好人好事︱女子於醫院門前暈倒 熱心醫護即上前救助
2022-07-05
查看更多   ▸