李璨琛被老婆嫌英數唔掂 網民覺得肯陪Lucy做功課已是好爸爸
2022-05-27
李璨琛（Sam）的4歲女兒李元元（Lucy）最近已經復課，昨天（26日）Lucy媽在社交網分享了一條李璨琛在教Lucy 做中文功課的短片，片中Lucy 好chill 地一邊唱歌，一邊做功課。不過Lucy媽就大爆李璨琛英文及數學方面都是「嘔血」，除A至Z只能夠順序讀出，就連正方形和長方形都搞不清。
^Lucy好chill，一邊唱歌一邊做功課。
^李璨琛主力教中文，網民覺得肯陪小朋友學習都係好爸爸。
她寫道：「李老豆（竇）只能夠同個女做中文功課，喺英文方面，佢一定要由A至Z數落去，先能夠順利讀出26個英文字母，如果你由中間其中一個字母，問佢下一個字母係乜，佢真係未必答到你，或者會答錯；數學方面仲經典，因為有一日佢同個女做數學功課，個老豆指住個長方形，問個老母：『呢個算唔算係正方形呢？』 #46歲 #長方形同正方形都唔識分 #聞所未聞 #血又嘔」。有網民笑指：「李夫人此言一出，李老豆（竇）想走出國際無望了」，不過亦有人大讚覺得爸爸肯陪Lucy做功課已經好好。
^Lucy日前化咗個smokey eyes，媽咪就形容為「身中劇毒」。
頭條日報授權轉載