【小小豬廚房】穀芽麥芽消滯茶

依幾日大老細講話，胃頂頂又冇胃口，我估佢都可能食滯左啦！成日見佢唔好食太急，又或者食完飯唔好即刻坐底佢又唔聽，終於搞到唔舒服了，真係勞氣呀！由於又未去到極度唔舒服嘅情況，唔洗去睇醫生住，所以作為賢妻嘅我，都要煲返少少嘢俾佢飲，等大老細順返個胃。於是就請教平日買開煲湯藥材嘅店員，佢就教我煲依個穀芽麥芽消滯茶。

材料：

穀芽、麥芽、雞內金、山楂、甘草及蜜棗一粒

藥材份量方面你同藥材店職員講大約幾多人飲用，佢就會幫你執份量

穀芽、雞內金、麥芽均能消食健胃；善戰消滯開胃；甘草補脾益氣。所以加埋一齊煲就可以對消化不良、食慾不振同埋食滯都有啲幫助。

做法：

將所有藥材浸洗備用

由於我今次都只係煲一人份量(大約有兩杯啦)，所以就只係4碗水份量

然後加入藥材

待水滾後，轉慢火加蓋煲30分鍾

待涼後就可以過濾入樽，就可以飲用啦

唔呃大家…..大老細話唔係幾好飲，因為飲落冇乜味道之餘又有一陣草嘅味。我又可以理解，因為我只係加左一粒蜜棗嚟做調味，咁又真係可能唔多夠甜，我當初打算健康啲用蜜棗，咁下次改用冰糖/片糖應該會好好多。草味方面，我當然都有試飲，我自己就唔多覺有難飲嘅草味，只係有點似小小豬細個煲嘅開奶茶差唔多，只係大老細飲唔慣咋！不過飲完之後，大老細都話個胃頂頂感覺好似減少左，唔知係咪同飲左消滯茶有關呢！

溫馨提示：由於材料都涉及藥材成分，所以係好因應個人體質，大家記得煲之前了解下自己，或者問下相熟中醫/藥材店職員，呢個湯料啱唔啱自己呀！

作者：小小豬的成長日誌

更多小小豬的湯水: 

1. 印度椰子清潤湯
2. 龍脷葉瘦肉湯
3. 青欖桔餅止咳湯
4. 虎乳靈芝川貝燉雪梨
5. 三棗茶
6. 竹蔗茅根紅蘿蔔馬蹄水
7. 無花果雪梨水
8. 止咳化痰蒜頭水
9. 桔餅止咳茶
10. 粟米紅蘿蔔菜乾湯
11. 五指毛桃潤肺湯
12. 蘆根薏米雪梨水
13. 淮山杞子螺頭煲雞湯
14. 雪梨乾甘草雪耳瘦肉
15. 蕃茄豆腐魚湯
16. 猴頭菇螺片滋補湯
17. 鮮百合蓮子豬骨湯 
18. 生熟薏米红豆水
19. 金銀花菊花杞子茶
20. 太子蔘海底椰紅蘿蔔瘦肉湯
21. 虎乳靈芝雪耳百合湯
22. 桃膠黃耳燉豬展 
23. 【潤肺又止咳】 鱷魚肉海底椰煲瘦肉湯
24. 【潤喉化痰】 龍利葉雪梨乾桔餅茶
25. 【滋潤養顏】桃膠雪蓮子煲黃耳
26. 【化痰止咳】 海星雪梨湯
27.  龍脷葉石黃皮青欖止咳湯
28. 【美白祛濕】超簡單檸檬薏米水
29.  【潤肺止咳】鮮百合淮山雪梨瘦肉湯
30.  【生津潤燥】海星紅蘿蔔瘦肉湯
31.   【體內排毒】決明子菊花茶
32. 【健脾袪濕】 雲苓白术扁豆衣茶 
33.  【改善失眠】淮山杞子黨參圓肉煲螺頭湯
34.  【消暑袪濕】薏米豬骨冬瓜湯
35.     【消暑消脂】紫背天葵茶
36.  【消暑開胃】香茅檸檬葉水
37. 【清熱袪濕】准山赤小豆扁豆湯
38. 【超甜滋潤 】蘋果百合無花果豬肉湯

*我地嘅FACEBOOK FAGE，唔知大家LIKE左未呢？大家一齊嚟交流下煮飯仔及去玩嘅親子樂啦：https://www.facebook.com/kinseymama**