林芊妤3歲兒子扭計不肯刷牙 丈夫首次開腔責罵成功震懾兒子
2022-08-24
藝人林芊妤（Coffee）在婚後育有一子彥彥，不時都會在社交網站上分享育兒心得，近日3歲的彥彥因為扭計不肯刷牙，第一次被爸爸出言責備，更罰他2天不能看電視。Coffee表示，彥彥完全被爸爸的的威嚴所震攝，接下來兩日便乖乖刷牙，不敢再扭計。
Coffee今日在Facebook分享，彥彥雖然大部分時間都很乖、行為良好，但總會有激心的事情發生。事源前晚彥彥準備睡覺時，扭計不肯刷牙，又不肯讓媽媽替他刷，母子間拉据了接近一個小時：「用晒平時嘅方法都唔Work，其實我都唔明白點解連刷個牙都咁難。」丈夫見狀，便「破天荒」第一次責怪彥彥：「我係好人所以我唔會鬧你，唔會打你，但你令媽咪唔開心，我就只會令你更加唔開心，要記住你愈曳，可以得到嘅就愈少。而家我罰你兩日冇睇電視時間，今晚喺自己間房自己瞓覺。」
Coffee形容，丈夫一直都是位「終極慈父」，平時都只會在旁「睇戲」，從來沒有責罵過彥彥。今次彥彥完全被爸爸的威嚴成功震懾，而Coffee亦表示樂意配合丈夫的懲罰：「所以話其實真係唔使嘥氣，用佢最鍾意嘅嘢（看電視）懲罰佢就可以啦，老公英明！」
接下來2日，彥彥果然每次都肯乖乖刷牙，而Coffee這兩日亦有跟彥彥作輔導：「佢而家都知道為咗咁小事唔做而俾人罰，係非常唔值得嘅一件事，佢亦都知道我同老公係同一陣線嘅，相信今次嘅教訓，下次佢應該都會醒目啲架喇！」
網民認為Coffee這個教小朋友的方法不錯，既可以向孩子表明父母的立場，又可以讓他自己承擔後果：「夫妻教育觀念正確，事後有做輔導，等佢反思和衡量得失，成功的第一步」、「我記得細個時爸爸從來唔會鬧我，點知有一次鬧我就好驚啦」、「平時少出聲嘅人講一句好過阿媽講10句，我屋企都係，老公平時都係睇戲，不過我個女都知道激嬲咗爸爸就好大鑊」、「小朋友唔聽話，有時真係要嚴厲啲教導佢哋，要給小朋友知道咩叫啱同唔啱！」。
更多文章：
