生仔要考牌|小朋友食到一地都係 職員拖地反被港媽鬧 隔離枱食客睇唔過眼出聲反擊
2022-08-30
^《愛·回家之開心速遞》劇照
小朋友有時食嘢唔小心會跌到周圍都係,如果可以嘅話,儘量都保持餐廳地方乾淨。有網友在社交網站投稿指日前到餐廳用餐,見有位小朋友進食時「邊食邊跌」,職員見狀便用拖把掃乾淨,結果小朋友嘅父母反罵職員,令事主睇唔過眼「幫口」鬧爆自私家長。
近日有網友在Facebook專頁「生仔要考牌系列」投稿,指日前一個人到餐廳食早餐,當時餐廳人較多,自己則與另一位先生搭枱坐卡位,另外有一家四口坐在對面,食物未到時,兩位目測那位年齡約三、四年班或以上的小朋友已多次離開座位,走出走入,當時餐廳職員已提醒有熱水及手推車會經過通道,請小朋友坐低等候。
小朋友的父母或因有「幾百萬生意」要處理,沒有理會孩子,只顧自己用電話。食物送到後,小朋友沒有選擇坐低食,而是跪在椅子上邊睇電話邊食,「食到一枱都係。有啲有汁嘅食物同好多餐紙重跌咗落地,有啲跌遠啲去咗通道上」。職員見狀用拖把處理乾淨,沒想到孩子的母親突然出聲阻止,要求職員待他們食完後才清理。