2022-09-05
👩：朋友個仔第一日返學喊到拆天，阿寶嚟緊讀N班，會唔會咁架？
👨：咁不如參加啲Playgroup，等佢適應吓啦！
親戚朋友的仔女與阿寶差不多年紀，所以大家經常交流小朋友的「茶煲事」，其中一樣就是開學問題，例如返學頭幾星期，小朋友不捨得與爸爸媽媽分開，經常扭計爆喊，出現分離焦慮，甚至不肯返學，搞到爸爸媽媽勁頭痕！
有資料講到，每100名學齡兒童，約有8至10人有焦慮症，比例都有一成，當中分離焦慮是其中之一，當小朋友與照顧者分離時，會表現過度焦慮，不願意獨自一人，更會拒絕返學。
^阿寶N班開學前，爸爸媽媽安排她參加學前適應班。
阿寶即將讀幼稚園N班，爸爸媽媽見證她成長，當然感到開心，但同時亦會擔心她自己一個返學，面對陌生校園環境，究竟能否適應…所以～我們決定7、8月讓她參加學前適應班，預先適應返學生活！