東張西望｜疑吞中風女兒保險金母上鏡對質 稱冇責任照顧個女：佢冇錢咩
2022-11-11
無綫節目《東張西望》昨日（10日）報道31歲年輕女健身教練Kit，去年10月突發中風，現時已住在護老院逾半年，Kit幸得未婚夫Ron不離不棄照顧。不過Kit媽媽一年來對囡囡態度冷淡，更疑似私吞津貼、保險賠償等。今日《東張》繼續跟進個案，Kit媽媽接受訪問與Ron對質，聲稱自己「梗係唔得閒」，因為一個星期返足七日工搵錢；提到Kit需要50萬再做手術，Kit媽媽態度更強硬：「要我畀筆錢佢啊？都要考慮下啦，我自己要退休，都要用錢啦！」
Click入來看看Kit媽媽的詳細回應﹕
-
- 今年31歲的Kit過往是一名瑜伽兼健身教練，可惜去年突發性中風，要接受開腦手術，之後Kit失去說話能力，更只剩下左邊身可以作有限度活動。
-
- 現時Kit已在護老院接受護理逾半年，不過Kit媽媽卻對她不閒不問，更一直未有交院費。
-
- 幸好一年來得未婚夫Ron悉心照顧。
-
- Ron懷疑Kit媽媽私吞女兒的傷殘津貼及保險賠償。
-
- Ron質疑Kit媽媽說：「佢每一次一係就唔知，一係就賴去人哋度，去到呢一刻連啲津貼都扣起晒，我覺得件事有啲過份咗。」
-
- Kit監護權一直落在Kit媽媽身上，但她對Kit愛理不理，令Ron照顧Kit亦引起不少不便。
-
- Ron說：「最想爭取返佢監護權，就算唔幫手，可唔可以讓返監護權出嚟？等我去申請，所有嘢都可以順利啲，唔好拖咁耐。」
-
- Ron：「單單拖呢一年，額外使費已經多咗好多；佢而家冇咗啲支援，出入、去睇醫生，加埋一個月都8000蚊，但如果有政府資助，單單係傷殘津貼4000蚊，已經減半。希望拎咗個監護權，可以接佢返屋企一齊生活。」
-
- 今集《東張》找到Kit媽媽與Ron對質。
-
- 對於囡囡情況，Kit媽媽說：「心情梗係難過，唔使講啦嘛？本來好好哋㗎嘛。」
-
- 至於還何沒帶Kit覆診，她說：「梗係唔得閒啦！我而家天天要返工，冬天生意好啲。」
-
- 主持吳幸美問到是否未能幫助Kit覆診等，Kit媽媽即說：「我幫唔到佢，全部係佢（Ron），有姑娘call佢去覆診㗎嘛。」
-
- 不過當講到Kit需要50萬再做手術，Kit媽媽態度相當強硬：「要我畀筆錢佢啊？都要考慮下啦，我自己要退休，都要用錢啦！香港政府話65歲退休，我而家60歲退休要自己承擔5年生活費。」
-
- 被問到如果她不幫助Kit，有誰可以幫她，Kit媽媽反問：「佢自己冇錢㗎咩？佢自己錢我唔知啊！」
-
- Kit媽媽續言：「佢同佢（Kit和Ron）一齊生活4、5年，佢銀行有幾多錢我都唔清楚。佢已經成年，踏出社會咁多年，又唔同我生活咁耐，我點承擔？」
-
- 講到拖欠院舍費用，Kit媽媽說：「上次保險經紀同我講話有20萬可以畀佢（Kit）。」當吳幸美提到保險早前已經斷供，未能賠償，Kit媽媽說：「佢同我講有得賠。」
-
- 提到一年間的傷殘津貼，Kit媽媽突然邀請Ron和《東張》團隊入屋，表示可以交還款項。
-
- 入屋後，Kit媽媽拿出一個粉紅色夾萬說：「我自己有錢，大把錢，我唔使佢養我。」
-
- 吳幸美問到Kit媽媽之前女兒有否說要養她，Kit媽媽語氣甚重說：「算啦！養我？我而家倒過嚟養佢喇！仲養佢？」
-
- Kit媽媽拿出一疊銀紙給Ron，之後要求對方寫下收據，再重覆說：「我而家冇錢生活㗎。」
-
- Ron之後提到要預備50萬再給Kit做手術，想知Kit媽媽會否有安排，豈料又再起口角。
-
- Kit媽媽勁鬧Ron：「咁你想點吖？你而家麻煩到我啊！由於你照顧不當！導致我咁麻煩，令心都碎。」Ron不斷講「對唔住」，但Kit媽媽繼續鬧。
-
- 吳幸美問Kit媽媽照顧責任該落在誰身上，Kit媽媽直指Ron說：「佢度，佢同佢（Kit）一齊5年喇！」
-
- 吳幸美反指：「你個女同你一齊廿幾年？」Kit媽媽卻說：「係啊，我已經養到佢咁大喇喎！」
-
- 《東張》之後再去採訪Kit媽媽，她卻突然說已經為囡囡出院做好準備，指着客廳位置的一張床說：「3000幾蚊，準備咗好耐。」
-
- 又指剛為女兒加設冷氣擋風板。
-
- Kit是獨生女，而Kit父親在六年前已經離世；媽媽指母女感情「平淡」：「佢初初返嚟會畀500蚊我，我煮餐便飯佢食。」
-
- 不過之後就投訴Ron：「（Kit）識咗男朋友後，錢又唔畀，咩都唔畀，佢有咗男朋友就冇我喇。」
-
- 儘管Kit媽媽被鬧「親生女不如近身錢」，她說：「我唔理人家講乜，總之我冇做錯，我願意接受個女，願意照顧佢一生一世。」
-
- 採訪尾段，吳幸美問Kit：「你愛唔愛你未婚夫？」Kit立即點頭，用盡力氣說：「愛。」聽到Ron好開心。
-
- Ron再次表達自己心情：「到底繼唔繼續落去？我自己下半生又點安排？呢啲問題困擾咗我好耐。」
-
- Ron落淚說：「但係去到最尾一刻諗，父母陪我前半世，我認定咗呢個女士陪我下半世嘅話，佢病咗，我係咪就應該走咗去呢？我自己都放唔低，寧願自己做到幾多就幾多，撐得幾耐得幾耐。」讓人非常感動。
-
- Ron悲微的願望，只希望Kit可以早日重拾自我照顧的能力：「咁我就已經好滿足。」
《星島日報》授權轉載
相關文章：
東張西望｜31歲女健身教練突中風住護老院 親母吞保險賠償加津貼懶理女兒死活
