婆媳關係｜極品奶奶要求煲熱益力多用存放8年紅米煮炒米茶幫新抱坐月

2023-03-03

相見好同住難，一家人的生活、衛生習慣各有不同，要磨合亦絕非易事！近日有新抱在社交網站大吐苦水，指其奶奶的生活習慣令她非常痛苦，結婚頭幾年天天以淚洗面，現時就只能每日說服自己要放鬆，慢慢習慣奇怪的生活模式……

近日有新抱在Facebook專頁「我的極品四大長老」匿名投稿，表示她與老爺奶奶同住已有10年，但奶奶的生活習慣實在令她難受：「除咗頭幾年真係難頂到以淚洗面，好影響情緒，同懷疑人生之外，基本上都慣，盡量說服自己Easy Easy，不過近排又憎奶奶憎到不能自拔。」新抱分享了奶奶3個生活習慣，希望網民可以評一評理。

一，奶奶認為喝熱飲對身體才會好，所以無論是益力多，還是清熱酷，都主張用滾水將凍飲變成熱飲：「有次星期日朝早，我以為老爺奶奶已經出咗門口，咁啱我個女叫我攞益力多俾佢，我就好自自然咁同我女講『出咗去就好喇，你唔使飲煲益力多喇』。」

TVB《奶奶早晨》截圖

二，在疫情期間，工人姐姐常常向事主表示，老爺奶奶頻繁地外出，總有一天會染疫。事主只能婉轉提醒老爺奶奶，沒想到奶奶回應她「唔使怕，我身體好健康架，唔會染到！」，令事主覺得非常可笑：「我聽到忍唔住笑咗出聲，老爺奶奶不單出完街唔會洗手，仲會徒手摸吓啲包，啲衫着2日先洗。佢哋拒絕用家中存貨好足嘅即棄口罩，堅持用自己DIY嘅口罩，仲要同我個女出完街，唔俾佢丟個即棄口罩，然後攞去洗，叫我個女下次出街用。」

三、新抱又憶述自己當年在坐月時，奶奶堅持要幫手，並用已存放了8年的紅米煮炒米茶給她，還很自豪地向新抱說「啲米我放咗好多年架喇」，結果令新抱在剖腹產後不久便腸胃炎。多年來，奶奶一直會買很多食物存放在家中，待食物過期及發霉後，才會拿出來清潔，然後煮給家人吃：「乳酪買大大樽，過期一個月，變晒味，照食，佢話因為本身乳酪都係『吽』出嚟。」

網民對認為該名奶奶的生活習慣實在嚇人，非常佩服事主可以忍受這麼多年：