陳柏宇老婆符曉薇經歷兩度流產再誕女 B女可愛樣曝光似足家姐如餅印 大女揸機影相勁溫馨
2023-03-10
陳柏宇老婆符曉薇去年10月宣佈再度懷孕，這亦是她經歷兩度流產後再懷孕，符曉薇當時在社交平台報喜表示：「今年估唔到上天送左份禮物比我地，感恩我可以再次懷孕！」今日（10日）陳柏宇與符曉薇都分享於IG公佈細女已出世的消息，並上載細女的照片及家庭照，符曉薇於IG留言表示：「Welcome Audrey，都係等唔到21號。」看來細女Audrey是提早出世。再為人父的陳柏宇亦大方於IG分享細女的照片。
【點擊睇陳柏宇符曉薇細女出世】：
-
- 細女Audrey
-
- 細女望鏡頭影相。
-
- 一家四口好溫馨。
-
- Abigail都非常開心地迎接細妹，更帶相機到醫院為細妹留影，陳柏宇於IG分享這溫馨的一幕，大晒幸福。
-
- 符曉薇婚後專心湊女，閒時才接吓KOL工作。
-
- 符曉薇生完大女之後，一直想追多個小朋友。
陳柏宇與符曉薇細女英文名是Audrey，細女因剛出世需要很多時間休息，照片可見細女大部份時間都閉着眼睛，但可見樣子十足家姐陳羿辰（Abigail）出世時的樣子，非常可愛！Abigail都非常開心地迎接細妹，更帶相機到醫院為細妹留影，陳柏宇於IG分享這溫馨的一幕，大晒幸福，得到不少網民祝福。
符曉薇2011年因拍攝電影《喜愛夜蒲》與陳柏宇認識，二人開始交往，2017年結婚。符曉薇2018年誕下一女，之後一直都想再生多個小朋友，可惜多次嘗試都未成功。2020年符曉薇因宮外孕導致流產，後來再度懷孕卻因患有愛德華氏症而忍痛做人工流產，一年內兩度流產承受極大痛楚及陰影，符曉薇亦曾失去再生小朋友的勇氣，直至去年與老公再度造人成功，廣大網民都非常祝福他們，如今細女出世，很多網民都留言表示感動。
星島日報授權轉載
其他閱讀：
