2023-05-31
生日會 ｜出席小朋友的生日會，通常賓客送禮物或封利是後，生日會的伙食費用均由主辦方支付；最近有網民分享與慣例不同的生日會，出席賓客送禮物、封利是後，主辦方竟要求他們夾生日會食物費用，因而令事主感到無奈。
這名網民在社交平台專頁「生仔要考牌系列」投稿指，獲邀參加朋友兒子的 生日會 ，出席的賓客已經送禮物、封利是給小朋友，可是朋友最後竟要求他們夾錢，「一食飽玩完冇耐，朋友已經喺whatsApp group叫大家夾番嘢食錢俾佢」。事主指，朋友的舉動並非首次，「朋友佢兩個仔每年搞兩次生日，年年都係咁」，又以自己親戚小朋友的生日會為例，「親戚係會包晒所有費用，而唔會咁肉酸收番人哋錢囉」。
最後，事主批評「個仔生日出一千幾百去請朋友搞個生日party都俾唔起，年年逼人夾錢幫佢開party咁，學咩人生仔呀！」網民見帖均留言，普遍認為該家長不懂待人接物，另有網民不解事主每年都被朋友如此對待，為何仍出席生日會。
文章獲「生仔要考牌系列」授權刊登
更多文章：
