生仔要考牌｜爸爸帶家人到老闆家中聚會無阻止兒子跳梳化兼腳踢寵物狗網民：佢想轉工？

2023-07-14

生仔要考牌｜隨着疫情過去、社會復常，親戚朋友之間多了見面相聚，不過若然帶小朋友參加聚會時，因不懂禮儀而做出不恰當行為，或會給爸爸媽媽丟臉。有網民在社交平台投稿指，早前公司老闆邀請員工及家人到其家中作客，期間一名爸爸帶太太及6歲兒子出席，然而小朋友卻表現失禮，例如未脫鞋在梳化上跳、腳踢老闆的狗、用手拿食物等，同事們已對他訓斥，但其爸爸媽媽卻無動於衷；翌日該名爸爸返回公司時，向同事們詢問「其實你哋係唔係唔鍾意我小朋友呀？我老婆話feel到你哋唔爽」，讓事主感到無奈。

生仔要考牌｜爸爸帶家人到老闆家中聚會無阻止兒子跳梳化兼腳踢寵物狗網民：佢想轉工？

: 事源我老闆邀請成team人去佢屋企玩，而且歡迎同事帶埋家人或男女朋友一同參與。咁有幾個同事帶埋小朋友一齊嚟，而當中引發我今次要分享嘅事件，就係發生喺其中一個同事嘅仔身上

: 當日呢個小朋友（六歲）一嚟到老闆屋企，一開門就好興奮話：「嘩！間屋好大！」鞋都未除就衝咗入屋直接跳咗上梳化

: 當時幾個同事都被嚇一嚇，反觀小朋友嘅父母竟然係零反應，而且只係施施然喺度除鞋

: 咁我哋幾個同事就話：「小朋友！你不如除咗鞋先啦，點會着住鞋上梳化㗎」都已經到咗我哋覺得係面斥不雅嘅呢個時候，小朋友父母都係仍然未有反應

: 老闆有養狗，屬大狗嚟。可能隻狗興奮就吠，吠聲都幾大同沉，與此同時個小朋友被嚇一嚇就縮一縮，但點估到之後個小朋友會一腳伸埋隻狗度

: 大家睇到眼都凸之際，個呀媽即刻抱起個仔，而正當我哋都以為個呀媽係想分開佢哋，去教小朋友唔應該伸腳去隻狗度，勢估唔到個呀媽居然係話：

: 「你傻㗎，咁大隻就唔好踢啦，佢一陣咬番你呀，細嘅就唔怕」呢度要補充一下：爸爸先係同事，我哋唔識佢老婆

: 當時大家靜晒，只望住我哋同事。老闆即刻就拉走自己隻狗，睇一睇自己隻狗同安撫下佢，同埋「笑笑口」咁同同事講：「嘩，你咁樣教小朋友踢狗嘅？」

: 同事隨即回應老闆：「我無呀！應該我老婆教」心諗：點樣呀你

: 呢一刻我都忍唔住話：「得！等我嚟，我揀番走俾人掂過嘅先食」佢老母若無其事咁答我：「唔怕嘅，佢洗咗手㗎」

: 我小係老母，我應番佢：「洗咗手我都怕，sorry」之後都仲有啲濕濕碎碎嘅事，唔再詳講

: 直到第二日返工，個同事走過嚟同我哋講：「其實你哋係唔係唔鍾意我小朋友呀？我老婆話feel到你哋唔爽」我哋笑一笑就散開咗

這名網民在社交平台專頁「生仔要考牌系列」投稿分享同事聚會的經歷，由於老闆同時邀請員工及其家人，於是當日數名同事帶小朋友一同出席，當中一名爸爸帶太太及6歲兒子到達，該名小朋友入屋時已表現興奮地指「嘩！間屋好大！」，隨即未脫鞋就衝到梳化上跳。事主指「當時幾個同事都被嚇一嚇」，反觀其爸爸媽媽「零反應」，只是施施然在脫鞋；此時其他同事已對小朋友面斥不雅，勸導「你不如除咗鞋先啦，點會着住鞋上梳化㗎」，但其爸爸媽媽卻仍然未有反應。

當時老闆家中養的大狗興奮地吠，嚇到各人都後退，但該小朋友卻「一腳伸埋隻狗度」，此刻媽媽將他抱走，同事們以為她想教訓兒子的不當行為，豈料她竟然表示「你傻㗎，咁大隻就唔好踢啦，佢一陣咬番你呀，細嘅就唔怕」。老闆見狀即刻將狗拉走及作安撫，並「笑笑口」向該名爸爸表示「嘩，你咁樣教小朋友踢狗嘅？」但對方卻回應「我無呀！應該我老婆教」，令其他同事感到無言。

到自助用餐時間，理應用公用餐具拿食物，但該小朋友卻是「好似個野人咁用手拿」，有幾名同事把他喝停，事主更忍不住表示「得！等我嚟，我揀番走俾人掂過嘅先食」，但其媽媽卻若無其事回答「唔怕嘅，佢洗咗手㗎」，事主隨即無奈回應「洗咗手我都怕，sorry」。

事主形容當日該小朋友還有其他失禮行為，但未有詳談；直到第二日返工，該名爸爸主動向同事們詢問「其實你哋係唔係唔鍾意我小朋友呀？我老婆話feel到你哋唔爽」，同事們只好一笑置之。

帖文引來不少網民留言討論，不少人批評小朋友缺乏家教，更有網民擔心事件會令該爸爸工作不保。