孫慧雪 拍片公開生B血淋淋過程 私院靚景房待產 9磅巨B喊聲響絕嬰兒室
2023-07-30
媽媽生BB的過程既艱辛又動人，旁人有機會見證，亦會大呼感動。現年41歲的孫慧雪第二胎B仔上星期出世，把整個生產過程拍下來，放在社交媒體分享，網民紛紛送上祝福，不少人都大嘆母愛偉大。
孫慧雪今年1月初七人日宣佈陀第二胎，雖然陀B初期一度要每日去打安胎針，但B仔在孫慧雪肚內健康成長，而且其孕肚竟達45吋，非常誇張！孫慧雪周三宣佈再度添丁，細仔面珠脹卜卜，睇身形就知道是巨B。今日（29日）孫慧雪在社交網分享生仔vlog，還注明：「生仔過程全紀錄，驚就唔好睇啦！」孫慧雪同時透露細仔出生有9磅重，還笑說：「生完個肚都好似有五個月咁。」
-
- 孫慧雪細仔上星期出世。
-
- 細仔是9磅巨B。
-
- BB已經返屋企。
-
- 生B前，孫慧雪在無敵景病房待產。
-
- 房間景觀一流。
-
- 孫慧雪早前曾晒孕照。
-
- 陀B身形依然十分fit。
-
- 大晒巨肚。
-
- 40吋巨肚。
-
- 兩公婆與大仔合照。
-
- 入院準備迎接細仔。
-
- 好緊張。
-
- 第二胎依然十分緊張。
-
- 全程握緊老公的手。
-
- 老公在身旁鼓勵。
-
- 另一半支持好重要。
-
- B仔出世了。
-
- 9磅巨B。
-
- 哭聲雄壯。
-
- 母子深情對望。
-
- 哥哥對細佬很溫柔。
-
- 爸爸與小B合照。
-
- 小B已回家了。
-
- 可愛小B。
-
- 可愛小B。
-
- 可愛小B。
-
- 孫慧雪在TVB的綜藝節目出身。
-
- 身材一向fit。
-
- 曾拍攝寫真集。
-
- 2016年與圈外男友結婚。
孫慧雪在社交網貼短片外，亦撰寫長文分享再做媽媽的感受：「非常感謝大家的祝福，恕未能一一回覆，但您哋嘅心意我收到晒啦！解答返大家問題先，細佬仔出世有九磅重，同哥哥出世個size差唔多，因為兩胎都比較大，所以我嘅腹直肌鬆晒，生完個肚都好似有五個月咁，所以今次要花啲功夫收身啦！」不過孫慧雪指目前最重要是吸收更多營養：「不過收身係其次，目前最重要都係吸收多啲營養，等我可以提供啲優質母乳畀BB，亦因為佢體格較大，對奶量嘅需求都比較大，所以我呢幾日差唔多飲咗平時半年嘅湯水😅」
囝囝同老公爭改名
相隔六年再度生B，孫慧雪笑說要重新適應湊B節奏：「相距六年，要重新適應返湊BB嘅節奏，真係有啲忙，所以朋友們，等我坐完月出關再聚啦！」孫慧雪還笑說大仔與老公爭改外，所以細仔仍未有名字：「細佬仔叫咩名？唔……因為爸爸同哥哥，爭住幫佢改名而未達成共識😅遲啲有共識，再話俾大家知！」孫慧雪感激醫療團隊同時，還大爆護士都覺得細仔喊聲好大：「謝謝我的醫療團隊極速幫我進行剖腹產，等我超級快同BB見面，亦感謝護士們對我同BB嘅悉心照料，姑娘話BB啲喊聲真係好大，響絕嬰兒室😂打擾了！」
短片中，孫慧雪在養和醫院對着無敵馬場景待產，鏡頭一轉就進入產房，老公羅天彥（Edwin）亦有陪伴在側，孫慧雪還表示比起上一胎，今次感受到更多BB的郁動。雖然孫慧雪顯得相當緊張，但老公公亦全程緊握住孫慧雪的手安慰老婆，又為孫慧雪整理頭髮，為與BB影第一張靚相！轉眼間孫慧雪細仔已經出世，老公鏡頭還對準BB出世的一刻，不過片段就好細心，將血淋淋的生B畫面作黑白處理，在場人士見到B大都直呼：「嘩！好大呀！」雖然B仔出世爆喊，在孫慧雪摸了B仔面頰兩下，B仔就安靜下來，母愛力量果然好偉大！
《星島頭條》授權轉載
其他文章﹕
