家庭關係 | 哥哥女友搬入家中同住3年 不做家務、態度惡劣 連內衣都要別人幫忙清洗
2023-08-01
家庭關係 | 家中無端多了一個「外人」同住，生活上的確諸多不便。近日有網友在社交網站上抱怨，指其哥哥帶了女朋友回家長住，對方不但不做家務，更要家人替她清洗內衣，十足「寄生族」一樣，令事主苦不堪言。
今日靚湯名人育兒心得
事主日前在Instagram專頁「名校Secrets」匿名投稿，表示其哥哥有2年前與女朋友在一起，自那時起，哥哥就帶女朋友搬進六口之家。一開始，爸爸曾向哥哥表示，二人年紀還小，不應該同住，但女朋友一聽到後便開始哭，令哥哥非常心痛：「我阿哥見到佢咁樣就即刻鬧我老竇，話我老竇唔應該咁講嘢。」
事主指，她一直非常反對家中多了一個外人：「因為好多嘢俾人霸住咗，廁所又要等好耐先用到，自己間房又突然俾人瞓咗。而估唔到女方屋企人好支持佢嚟我屋企住，仲係送衫嚟俾佢。」她表示本來以為對方會在2021年、考完DSE後離開，但對方根本沒有搬走的意欲：「問佢點解仲要住喺我屋企，最後同阿哥打起嚟但佢都冇離開。」
直到最近，家中的工人姐姐回鄉，他們一家需要自己做家務，但女朋友卻完全不打算幫忙：「佢唔幫手掃地、摺衫都ok，但佢哋間房真係好亂，全部嘢掉晒落地下，連佢條底褲都要我哋幫佢洗。我媽媽好心就幫佢哋執嘢，點知我阿哥一返到嚟就鬧我阿媽，話佢淨係攞晒啲嘢出嚟，又冇幫佢執，我阿媽就開始話佢哋兩個間房自己又唔收捨好，個女仔喺度住又唔做好佢嘅本分。然後我哥就開始講啲好毒嘅嘢，話希望我媽係啞、話我媽廢物。」
事主指，哥哥的女朋友完全不會顧及別人感受。（TVB《香港愛情故事》截圖）
事件過了一、兩日後，媽媽決定跟那個女生好好聊一聊，沒想到竟被對方惡言相向：「個女仔出門，之後我媽就問佢一句『執咗房未？』，個女仔聽到就鎖咗佢哋間房嘅門，我聽完之後搵到間房鎖匙就收埋佢。到佢返到嚟搵唔到鎖匙，就好嬲咁想衝出門，我媽叫停佢，佢就答『我忍咗你哋好耐』。」
「佢住咗喺我屋企3年，我都忍咗佢好耐，佢竟然咁同我媽講嘢。一個外人，點解可以咁同我媽講嘢？」事主後來再解釋，爸爸媽媽一直默許哥哥的女朋友住在家中，主要是想多見哥哥幾面，認為這樣做至少哥哥會回家。
整件事看得網民們都嘖嘖稱奇，對他們一家竟然可以忍受對方長達3年之久，亦有人建議事主勸父母一定要狠心將那名女生趕走，否則只會家無寧日：
來源： Instagram專頁「名校Secrets」
更多文章：
