林溥來Patrick Sir仔仔返學前班開心不願走 大方晒校園照竟是該校高層
2023-08-25
現年46歲的藝人 林溥來 (Patrick Sir)2016年與關宛珊結婚,育有2歲寶貝仔林若嘉(Preemo),一家三口非常幸福!日前(24日)Patrick Sir透露,囝囝終於返學前幼兒預備班(Pre-Nursery),該Po文更變相另類宣傳。
Patrick Sir於帖文寫道:「Preemo終於踏入人生第一個重要嘅階段⋯正式返PN喇!見到佢着住校服個樣,真係好感動!正式開學前幾日,竟然收到Preemo嘅第一位class teacher寄畀佢嘅一張明信片,歡迎Preemo之餘,仲寫咗一番說話,完全觸動到爹爹媽媽個心,寫出父母內心嘅寄望,亦完全睇得出老師嘅愛心。多謝老師,相信Preemo一定喺你或學校嘅照顧下,開心茁壯成長!」
相中所見,2歲Preemo穿上校服與父母舉V合照,狀甚興奮;直到放學一見到爸爸媽媽,他搲一搲褲襠即一支箭走人,更要Patrick Sir溫提下先記得跟老師講Bye-bye,相當搞笑。Preemo亦好叻仔,其間自己緊握扶欄小心翼翼落樓梯,更不忘擰轉頭以奶音叮囑:「媽媽你快啲扶實啦,好似Preemo(咁樣)。」甚具「暖男」潛質。
補習天王轉型藝人
事後,關宛珊大爆看似勇敢的囝囝,其實都一度出現「分離症」,幸很快便適應學校環境,甚至開心到捨不得走,她說:「(佢)去到學校附近就會話唔想番學,有時喊有時唔喊,去到學校門口講拜拜,再拖住老師就唔喊咁入去,然後老師話佢玩得好開心,接放學嗰陣就會問我點解要返屋企,不如再帶佢去返學呀。」
然而「百足咁多爪」的Patrick Sir畢業於喇沙書院,之後分別在香港科技大學及香港中文大學獲得學士及碩士學位,他自中三開始替鄰居孩子補習賺零用錢,大學時期繼續當補習老師,同時兼任模特兒工作,2005年開辦補習社EDFLOW Learning Center,2009年獲TVB邀請成為兒童節目專家主持,現為TVB旗下合約藝人,除了主持《東張西望》外,最近亦於熱播劇《破毒強人》演出。目前,Patrick Sir也是私立幼稚園伽利利國際幼稚園(Galilee International School)的校監,即是囝囝Preemo現時所就讀的學校。
獲星島頭條授權轉載
其他文章:
36歲前TVB主播黃麗幗3歲大仔入讀英基每年學費10萬元 同媽咪似足倒模
59歲呂方為女戒煙幸福肥到冇頸 3歲愛女盡得強大基因似足爸爸